تەندروستی هەولێر كار بۆ خستنەبواری بەكارهێنانی كیسی كاغەز دەكات

07/11/2019 - 10:08 بڵاوکراوەتەوە لە هەواڵ/كوردستانی

 

بەڕێوبەری كاروباری پاراستنی تەندروستی هەولێر ڕایدەگەیەنێت: لە پێناو بەرژەوەندی گشتی و پاراستنی تەندروستی هاووڵاتیان و كەمكردنەوەی كاریگەرییەكانی كیسی نایلۆن لەسەر تەندروستی و ژینگە،لە بەڕێوبەرایەتی كاروباری پاراستنی تەندروستی هەولێر كۆبونەوەیەكی فراوان ئەنجامدار.

 

د. سەرهەنگ جەلال بەڕێوبەری كاروباری پاراستنی تەندروستی هەولێر، ڕوونی كردەوە: لە كۆبونەوەكەدا جەختكرایەوە لەسەر دانانی میكانیزمی پێكەوە كاركردن بۆ ئەوەی كیسی نایلۆن بگۆڕدرێت بۆ كیسی كاغەز، هاوكات لەگەڵ لایەنەپەیوەندیدارەكان جەختمانكردەوە لەسەر گرتنەبەری ڕێوشوێنی پێویست بۆ جێبەجێكردنی فەرمانەكە.

 

لە كۆبونەوەكەدا جگە لە نوێنەری پارێزگای هەولێر نوێنەرانی هەریەك لە فەرمانگەكانی (بازرگانی، ژینگە، دەغڵودان و دانەوێڵە، ڕاگەیاندن و چاپ وبڵاوكردنەوە، گەشەپێدانی پیشەسازی) بەشداربوون.