دهوک .. د یادا مەولوودێ دا هەوەکا خوین بەخشینێ دهێتە ئەنجامدان

09/11/2019 - 12:27 بڵاوکراوەتەوە لە هەواڵ/كوردستانی

ئەڤرۆ رۆژا شەمبی رۆژا مەولوودا پێغەمبەرێ مە یێ خوشتڤی موحەممەد سلاڤێن خودێ ل سەر بن، ل باژێرێ دهوکێ وب پشکداریا پتر ژ سەد کەسان هەوەکا خوین بەخشینێ هاتە ئەنجام دان.

دڤێ هەوێ دا ئەڤا مەلبەندێ سێ یێ یەکگرتووی ئیسلامی کوردستان پێ رابووی، هژمارەکا زۆر ژ وەلاتیان وبەرپرس وکادرێن یەکگرتوو ل بەنکا خوینێ ل دهوکێ ئامادەبوون ب مەرەما خوین بەخشینێ.

پەیامنێرێ کوردیو راگەهاند دڤێ هەوێ دا پتر ژ سەد بوتلێن خوینێ هاتنە بەخشین.

هەر چەندە ئەڤرۆ بێهنڤەدان بۆ، لێ هژمارەکا کارمەندێن بەنکا خوینێ ژبەر ڤێ هەوێ هاتبوونە دەوامێ ودەستخوشی ل وان وەلاتیان کر یێن خوینا خۆ بەخشین وئەڤ چەندە دێ هاریکاریا نەخۆشان کەت ب تایبەت نەخۆشێن تالاسیمیایێ.