دادوەرە مانگرتوەكانی گەرمیان دەنگۆیەك ڕەتدەكەنەوە

11/11/2019 - 09:13 بڵاوکراوەتەوە لە هەواڵ/كوردستانی

 

لە وەڵامێكدا بۆ رونكردنەوەكەی ئەمشەوی ئەنجومەنی دادوەریی هەرێم كە رایگەیاندبوو یەكێك لە دادوەرە مانگرتوەكانی گەرمیان بەناوی نزار حەسەن عەلی لە دۆسیەیەكی كوشتن تێوەگلاوە و سكاڵای لەسەرە، دادوەرە مانگرتوەكان رونكردنەوەیەكیان بڵاوكردەوە.

 

لە وەڵامەكەیاندادادوەرە مانگرتووەكانی گەرمیان رایانگەیاند: سەرۆكی دادگای گەرمیان تۆمەتی بۆ دادوەر نزار حەسەن عەلی ھەڵبەستووە.

 


دەقی وەڵامەكەی دادوەرە مانگرتووەكان بۆ رونكردنەوەكەی ئەنجومەنی دادوەری ھەرێم:

وەڵامێك لەسەر ڕاگەینراوەكەی ئەنجوومەنی دادوەری بۆ ڕای گشتی

سەبارەت بەخاڵی 3 لەبڵاوكراوەكە كە تایبەت كراوە بە داواكاری گشتی بەڕێز (نزارحسن علی) بەوەی كە تێوەگلابێ لەكێشەیەكی تاوانكاری.

ڕاستی بابەتەكە بەم شێوەیەیە:

1- پێش نزیكەی 3 ساڵ ئەو كێشەیە ڕوویداوە ودواتر لەكاتی دادگاییكردنی كۆمەڵێك تۆمەتبار تیایدا لەدادگای تاوانەكانی كەركووك/ گەرمیان پاش نزیكەی ساڵێك لەڕۆژی ڕووداوەكە بەتۆمەتێكی بێ بنەما ناوبراو لەوكێشەیە ھەواڵەی لێكۆڵینەوە كرا كە گوایە دەستی لەو تاوانەھەبێ، ئەمەش وەكو تۆڵەسەندنەوەیەك لەلایەن سەرۆكی دادگاوە كەدەیویست زێدەڕۆی بكاتە سەرموڵك و ماڵی دەوڵەت، داوكاری گشتی لێی بێدەنگنەبوو ڕێگری لەوكارەی كرد.

2- لەبەرئەوەی ناوبراو داواكاری گشتیەوبەپێی یاسای داواكاری گشتی ژمارە 159ی ساڵی 1979 پارێزبەندی یاسایی ھەیە پێویستی بە ڕەزامەندی مەرجەعیی ھەبوو كە بەڕێز وەزیری دادی ھەرێمە بەپێی مادەی ٦٨ی یاسای ئاماژەبۆكراو بۆ ئەو مەبەستەلەسەر فەرمانی بەڕێز وەزیری داد بۆ لێكۆڵینەوە لەكێشەكە لەدیوانی وەزارەتەوە دادوەرێكی بەڕێزی ڕاسپارد ،دوای تەواوبوونی لێكۆڵینەوە و وەرگرتنی ووتەی شاھێدەكان و ھەڵسەنگاندنی بەڵگەكان لەلایەن بەڕێزیانەوە دەركەوت كە داواكاری گشتی ناوبراو ھیچ بەڵگەیەكی لەسەر نەبوو چ وەك بكەر یا شەریكی كارەتاوانكاریەكە ،بۆیە بەنوسراوی ژمارە ٢٠/٥١٣ لە 26/2/2019ی وەزارەتی داد ڕەزامەندی نیشان نەدرا لەدژی ناوبراو بۆ ھەواڵەكرنی بۆ دادگای تایبەتمەند،تەنھا تۆمەتێكی بێ بنەمابوو وھیچی تر.

3- ەسەر ڕۆشنای ئەو نوسراوەی وەزارەتی داد لەدوای چەندڕۆژێك بەبڕیاری دادوەری لێكۆڵینەوەی كەلار ڕێككاری یاسایی بەشێوەی كۆتایی وەستێنرا دەرحەق بەناوبراو بەپێی مادەی 300 لەیاسای بنەماكانی دادگەرییەسزاییەكان و بڕیاكەش پلەی كۆتایی وەرگرتووە، ئەوەی كە ئەنجوومەنی دادوەری باسی دەكات كە كێشەكە لە دادگای پێداچوونەوەیە تایبەتە بەسزادانی چەند تاوانبارێك لەوكێشەیە كەپەیوندیان بە كێشەی ناوبراوەوە نیە.وەئەگەر كێشەكە كەسی بوایە ھەر ئەوكات ھەڵوێست وەردەگیرا لەسەر ئەو تۆمەتە بێ بنەمایە،بەڵام لەسەرەتای كێشەكەوە ناوبراو بڕوای وابووە كە ئەوە بابەتێكی یاساییەو لەكۆتایشدا بەیاسایی یەكلاكرایەوە.

4- دیارە ئەم مانگرتنە بابەتێكی وا سانا نیە لەكەسێكدا كۆبكرێتەوە چونكە پێنج دادوەری بەڕێزی دادگای تێھەڵچوونەوەی گەرمیان و 10 ئەندامی داواكاری گشتی گەرمیانن وە چەندەھا دادوەر و ئەندامی داواكاری گشتی و پارێزەرانیش بەپەیوەندی تەلەفۆنی لەگەڵمانن ،بەڵام لەبەر ھەندێك ھۆكاری وەك سزادان و تۆڵەسەندنەوە دەرناكەون، ئایا ھەموو ئەمانەش كێشەی شەخێیان ھەیە؟ بەو تۆمەتانە ناتوانرێت بەر بە ئەو تەوژمە بگیرێت كە پەیامی چاكسازیە لەسێكتەری دادوەری.

5- گەشبینین كە ڕای گشتی و پەرلەمانتارانی كوردستان ئاگاداركراونەتەوە لەو كەیسانەی كە لەدادگای دەستپاكین و بەڵگەیان تێدا كۆكراوەتەوە بەمەبەستی بەدواواچوون لەسەریان كەتاوەكو ئێستا وەكو پێویست كاری تێدا ئەنجام نەدراوە لەلایەن داواكاری گشتی گەرمیانەوە جوڵێنراون.

6- دووپاتی دەكەینەوە كە سەرۆكی دادگای تێھەڵچوونەوەی گەرمیان لەحاڵی ئێستادا خۆی بەردەوامە لەسەر سەردانیكردن و ھاتووچۆی بەرپرسانی حیزبی لەبابەتی مانگرتنمان.ش