یەكەی نیشتەجێبوون بۆ چینێك دروست دەكرێت

12/11/2019 - 10:22 بڵاوکراوەتەوە لە هەواڵ/كوردستانی



سەرۆكی لقی سلێمانی سەندیكای ڕۆژنامەنووسانی كوردستان ڕایدەگەیەنێت: هاوشێوەی چینەكانی دیكەی كۆمەڵگە یەكەی نیشتەجێ بوون بۆ ڕۆژنامەنوسانی سنوری پارێزگای سلێمانی دابین دەكەین.

 

كاروان ئەنوەر سەرۆكی لقی سلێمانی سەندیكای ڕۆژنامەنووسانی كوردستان بە كوردیوی ڕایگەیاند: ڕۆژنامەنوسان چینێكی كۆمەڵگەن كە بەردەوام لە خزمەتكردنی هاوڵاتیانداو وەك سەندیكای ڕۆژنامەنوسانی كوردستان لەئێستەدا لە هەوڵداین تاوەكو یەكەی نیشتەجێبونیان بۆ دابین بكەین.

 

هەروەها ووتیشی: لەساڵانی ڕابردوودا ڕۆژنامەنوسان بە وەرگرتنی زەوی سودمەند دەبوون، بەڵام لەئێستەدا لەگەڵ دوو كۆمپانیا ڤفتوگۆمان هەیە تاوەكو یەكەی نیشتەجێبوون بۆ ڕۆژنامەنوسان دروست بكرێت.

 

ئاماژەی بەوەشكرد: لەئەگەری گەیشتینە ڕێككەوتن بانگەواز بۆ ڕۆژنامەنووسان دەكەین تاكو سوودمەند بن لە پڕۆژەكە.