ڕەخنە لە بودجەی پارێزگاكان دەگیرێت، دادپەروەری تیدا نیە

17/11/2019 - 11:51 بڵاوکراوەتەوە لە هەواڵ/كوردستانی


خەدیجە عبدالجبار ئەحمد ئەندامی ئەنجومەنی پارێزگای سلێمانی بە كوردیوی ڕاگەیاند: بودجەی پەرەپیدانی پاریزگاكان بە پێی ڕێژەی دانیشتوان دابەش دەكرێت بەسەر پارێزگاكاندا كە ئەمەش بێ گومان یەكسانی تێدایە ، بەڵام هەموو یەكسانیەك دادپەروەری تیدا نیە.

 

ئەوەشی خستەڕوو: بەنمونە هەڵەبجە لەبەرئەوەی پاریزگایەكی نوێ یە و لە قۆناغی بونیادناندایە، پێویستە لە بودجەی تر قەرەبووی ئەمەی بۆ بكرێتەوە ، بەنمونە ئەو شارانەی ڕووبەڕووی وێرانی نەبوونەتەوە پاشخانی ئابوریان هەیە و خاوەنی داهاتی خۆیانن، بەلام شارێكی جەندجار وێران و خاپوركراوی وەك هەڵەبجە نەك هەر داهاتی نیە تا لەپشكی داهاتەكەی خۆی سودمەند بێت ، بەڵكو بەهۆی ئەوەی كە سەر لەنوی بونیادنراوەتەوە پیویستی بە بودجەی زیاتر هەیە بەبەراورد بەو شارانەی كە لەرابردوودا رووبەڕویی راگواستن خاپوربوون نەبوونەتەوە.

 

ئاماژەی بەوەشكرد: بە بڕوای ئیمە ئەم كێشەیە بەوە چارەسەر دەكرێت كە بەپێی یاسایەك كە لە پەرلەمانی كوردستان دەربكرێت ساڵانە بودجەیەكی تایبەتی بۆ تەرخان بكرێت وەك پارێزگایەكی نوێ (لەبودجەی وەبەرهێنان یان داهاتی نەوت) ،ئەگەر چی بۆ قۆناغێكی دیاریكراویش بێت، لەبەرئەوەی ئەگەر بە پیوەری ژمارەی دانیشتوان و تەنها رەچاوكردنی یەكسانی سالانە بودجەی بۆ تەرخان بكرێت، ئەم یەكسانیە دادپەروەریەك ناخوڵقێنێت كە لە ئاستی پیداویستی و بونیادنانی پاریزگایەكی نویی وەك هەڵەبجەدا بێت ،بۆ چارەسەری ڕیشەیی ئەم كێشەیە.

 

ووتیشی: بەبڕوای ئێمە باشترین پێشنیار ئەوەیە وەك حاڵەتێكی تایبەت لەرێگەی پەرلەمانەوە بە یاسایەكی تایبەت یان لەرێگەی ئەنجومەنی وەزیرانەوە بەبڕیارێك ساڵانە (استپنا‌و ) بكرێت بە تەرخانكردنی بڕێكی دیاریكراو بۆ گەشەپێدانی ئەم شارە لە كاتی رێكخستنی موازەنەی ساڵانەی بودجە ، ئەگەر نا ئەم نیگەرانیە بۆ خەڵكی ئەم شارە بە بەردەوامی دوبارە دەبێتەوە.