هەولێر... دەرچووانی چەند كۆلێژێك گردبوونەوە

18/11/2019 - 11:34 بڵاوکراوەتەوە لە هەواڵ/كوردستانی

 

ئەمڕۆ دوو شەممە ژمارەیەك لە قوتابیانی پێنج پەیمانگا لە بەردەم وەزارەتی خوێندنی باڵا و توێژینەوەی زانستی لە شاری هەولێر گردبوونەوەو داوایانكرد بەشێوەیەكی فەرمی دان بە بڕوانامەكانیاندا بنرێت .

 

نوێنەری پێنج هەزار دەرچووی كۆلێژنەكانی (قەڵەم ، نور ، حەدبا ، ئیمام ئەعزەم و كیتاب ) ، كە ئەمڕۆ دووشەممە 18-11-2019 گردبونەوە، ڕایانگەیاند: قوتابی كۆلێژی ئەهلین و لە دەرەوەی ناوچە كوردستانییەكانی سنوری كارگێری هەرێمی كوردستانن ، بەهۆی دانپێنەنان بە بڕوانامەكانیان و رەزامەندی نیشان نەدان لەلایەن وەزارەتەكە .

 

ئەوەشیان خستەڕوو: وەزارەتی خوێندنی باڵا و توێژینەوەی زانستی دان بە بڕوانامەكانمان نانێت ، هەرچەندە بڕیارێك لە ئەنجومەنی شوڕای هەرێمی كوردستان لەسەر ئەم بابەتە دەرچوەو وەزارەتی خوێندنی باڵا كار بەو بڕیارە ناكات .

 

ئاماژەیان بەوەشكرد: وەزارەتی خوێندنی باڵا بە شێوەیەكی نهێنی دانی بە بڕوانامەی چەند كەسێك لە دەرچووانی ئەو كۆلێژنە ناوەو داوایانكرد پێویستە بڕوانامەی هەموو دەرچووان بە بێ جیاوازی دانیان پێدابندرێت .