خەدیجە عبدلجەبار: یاسایەك كە جێ بەجێ نەكرێت نەبوونی باشترە

18/11/2019 - 12:23 بڵاوکراوەتەوە لە هەواڵ/كوردستانی

 

ئەندامێكی ئەنجومەنی پارێزگای سلێمانی ڕایدەگەیەنێت: ئەو یاسایانەی كە كاریان پێناكرێت نەبونیان باشترەو پێویستە بەدواداچون بۆ پرسی بودجەی پارێزگای هەڵەبجە بكرێت.

 


خەدیجە عبدلجەبار ئەندامی ئەنجومەین پارێزگای سلێمانی بە كوردیوی ڕاگەیاند: یاسایەك كە جێ بەجێ نەكرێت نەبوونی باشترە ، وەك یاسای ژمارە ١ ی ساڵی ٢٠١٥ ی پەرلەمانی كوردستان تایبەت بە پاریزگای هەڵەبجە.

 

هەروەها ووتیشی: بەپێی ئەو یاسایە نەئەنجومەنەكەی بۆ پێك هێنرا ، نە بودجەی تایبەتیشی بۆ تەرخان كراوە كە لەیاساكەدا هاتووە.... دڵسۆزی حكومەت و هاوسۆزیان بۆ هەڵەبجە بە ووتار و شیعر و شانامە نابێت كەلە شانزەی سێ دا دەیلاوێننەوە، بەڵكو بە تەرخانكردنی بودجە و هێنانی پرۆژەی ستراتیژی و هاندانی وەبەرهێنان و دروستكردنی ژێرخانی ئابوری بۆ گەشەپێدانی ئەو شارە دەبێت .

 

ئەوەشی خستەڕوو: لەبودجەی ٢٠٢٠ یشدا هەڵەبجە جیانەكراوەتەوە وەك پارێزگایەكی سەربەخۆ، پەرلەمانی كوردستان با بەدواداچوون بۆ یاساكانی خۆی بكات تا بۆمان ڕوون بكەنەوە بۆچی جێ بەجێ ناكرێت.