قوتابیانی زانكۆی ئەمریكی لەسلێمانی گردبونەوە

18/11/2019 - 13:06 بڵاوکراوەتەوە لە هەواڵ/كوردستانی

 

ئەمڕۆ دووشەممە بەشێك لە قوتابیانی زانكۆی ئەمریكی لەسلێمانی بەهۆی جێبەجێ نەكردنی بڕیارێكی وەزارەتی خوێندنی باڵا بۆ كەمكردنەوەی كرێی خوێندن گردبونەوەو هۆشداریش دەدەنە بەرپرسانی زانكۆكە.

 

ئەمڕۆ دووشەممە 18-11-2019، بەشێك لە قوتابیانی زانكۆی ئەمریكی لەسلێمانی بۆ چوارەم ڕۆژ لەسەر یەك دەستیان بە خۆپیشاندان كردو ڕایانگەیاند: ئەمڕۆ چوارەم ڕۆژە دەستمان بە دەربڕینی ناڕەزایی كردووە و ئەمڕۆش بڕیارماندا خۆپیشاندانەكە ببەینە دەرەوەی زانكۆكە.

 


هەروەها وتیشیان: ئێمە هەزار و 400 قوتابین و نزیكەی هەزار قوتابی لە بڕیارێكی حكومەتی هەرێمی كوردستان بێبەش دەكرێت كە سەۆكایەتی زانكۆكە نایەوێت جێبەجێی بكات.

 

ئاماژەشیان بەوەكرد: سەرۆكایەتی زانكۆی ئەمریكی لە سلێمانی نایانەوێت بڕیاری كەمكردنەوەی كرێی خوێندن بۆ ئەمساڵ جێبەجێ بكەن كە بڕیارە لە 25% پارەی خوێندن لە قوتابیان وەرنەگیرێت.