ئاگر بەردبیتە بازارێ فرۆتنا قوماشی ل دهوکێ

20/01/2020 - 23:56 بڵاوکراوەتەوە لە هەواڵ/كوردستانی

کوردیو دهوک

بازارێ فرۆتنا قوماشی ل دهوکێ جارەکا دی تووشی رویدانەکا ئاگری دبیت وزیانێن ماددی گەهشتینە دوکانداران.

د ئەڤ شەڤەدا ئاگر بەربوو دوکانێن قوماشی ل بازارێ دهوکێ، د داخویانییەکا تایبەت دا بۆ کوردیو مقەدمێ مافپەروەر بێوار عبدالعزیز حمید بەرپرسێ پەیوەندی و راگەهاندنا بەرەڤانیا باژؽری ل دهوکێ گوت "زیان ب پێنجی دوکانان کەفتیە ژبەر دویکێلێ و ژ وانا نێزیکی پازدە دوکانان هاتینە سوتن و وزیانێن ماددی هەبوینە، لێ زیانێن گیانی نەبوینە و تیمێن مە شیان د ماوێ دەمژمێرەکێ دا ئاگری کۆنترول بکەن".

ناڤهاتی ئاماژەپێکر، سوباهی دێ لژنەک هێتە پێکئینان ژبۆ زانینا ئەگەرێن ڤێ رویدانێ کو ل دەمەکی بویە بازار یێ گرتی بوو، هەروەسا ژبۆ تەخمینکرنا زیانێن ب بەر دوکانان کەتین".

بەری چەند سالان ژی ئاگر بەرببو هەمان بازار وهەتا نوکە نەهاتینە قەرەبووکرن.