دانوستاندنا ڤەکری ل دهۆکێ ل دور یاسایا رێكخراوێن ناحكومی ل هەرێمی كوردستانێ دهێتە ئەنجامدان

23/01/2020 - 00:39 بڵاوکراوەتەوە لە هەواڵ/كوردستانی

رێكخراوا ستۆپ ب هەماهەنگی دگەڵ فەرمانگەها رێكخراوێن ناحكومى ل هەرێما كوردستانێ و پشتەڤانیا پرۆژەیێ تكامل IGPA ، سێیەم دانوستاندنا ڤەکری ل دهۆکێ ل ئوتێلا خانى دچوارچوڤێ پرۆژەیێ پێداچوونێ د یاسایا رێكخراوێن ناحكومی ل هەرێمی كوردستانێ ئەنجامدا، ب ئامادەبونا ئەندامێن ئەنجومەنی پارێزگەها دهۆکێ، و ئەكرەم جەمۆ سەرۆكێ فەرمانگەها رێكخراوێن ناحكومی، و ب پشکداریا بەشەك ژ رێكخراوێن جڤاکێ مەدەنی ل دهۆکێ.


ئارمانج ژ كۆمبونێ داۆستاندن بوو سەبارەت پێداچونێ و بجهئینانا یاسایا رێكخراوێن ناحكومی و بهێزكرنا رۆڵێ رێكخراوێن كۆمەڵگوەهێ مەدەنی د پڕۆسەیا چاڤدێری و دیڤچوونێ ل هەرێما كوردستانێ.

عەبدولرەحمان بامەرنى سەروکێ رێكخراوا رۆشنگەری بۆ پیادەكرنا دیموكراسیەتێ‌ بۆ کوردیو گوت دڤێ کومبوونێ دا چەندین دانوستاندن ل سەر یاسایا رێکخراوێن ناحکومى هاتنە کرن و پاشی ب رێکا گروپان راستپاردە و پێشنیار هاتنە پێشکێشکرن و ژلایێ تیمێ رێکخراوا ستوپ ڤە هاتنە تومارکرن وەک راستپاردەیێن پرۆژەى دێ هێنە ئاراستەکرن بۆ لایەنێن پەیوەندیدار.