ئەمینداری گشتی یەكگرتوو: پێویستە بەرپرسانی هەرێم خزمەتی زیاتری هونەر و هونەرمەندان بكەن

23/01/2020 - 15:48 بڵاوکراوەتەوە لە هەواڵ/كوردستانی

 


دوانیوەڕۆی ئەمڕۆ پێنج شەممە 23-1-2020، مامۆستا سەلاحەدین محەمەد بەهائەدین ئەمینداری گشتی یەكگرتووی ئیسلامی كوردستان لە شاری سلێمانی پێشوازی كرد لە ستافی گروپی هونەریی پەلكە زێڕین.

 

لەو دیدارەدا، ستافی گروپی هونەریی پەلكە زێڕینە پیرۆزباییان ئاڕاستەی مامۆستا سەلاحەدین محەمەد بەهائەدین كرد بە بۆنەی دووبارە هەڵبژاردنەوەی بەڕێزیان بە ئەمینداری گشتی و سەركەوتنی كۆنگرەی هەشتەمی یەكگرتووی ئیسلامی كوردستان و ڕۆڵی میانڕەوانەی یەكگرتوویان لە گۆڕەپانی سیاسی هەرێم و عێراق بە گرنگزانی.


لەلایەن خۆشیەوە مامۆستا سەلاحەدین محەمەد بەهائەدین ڕۆڵی هونەر و هونەرمەندانی لە مێژووی خەباتی كوردایەتیدا بەرزنرخاند و جەختیشیكردەوە كە هونەرمەندان لە ڕێگەی هونەرەكەیانەوە ڕۆڵی كاراو كاریگەریان بینیوە لەوەی كە بەرپرسان ئاوڕ لە داخوازییەكانی میللەت بدەنەوە.
لەكۆتایدا ئەمینداری گشتی یەكگرتووی ئیسلامی كوردستان ئاماژەی بەوەدا كە پێویستە بەرپرسانی هەرێم خزمەتی زیاتری هونەر و هونەرمەندان بكەن بەسەرجەم بەشەكانیەوە.