مامۆستا مەزهەر خوراسانی بەكەفالەت ئازاد كرا

26/01/2020 - 23:42 بڵاوکراوەتەوە لە هەواڵ/كوردستانی

دوای ئەوەی ئەمرۆ دکتۆر  مەزهەر خوراسانی لەلایەن هێزە ئەمنیەكانەوە دەستگیركرا دواتر بەكەفالەت ئازاد كرا.

لەسەر سكاڵای هەندێ لە رێكخراوەكانی ژنان، بڕیارە سبەی د. مەزهەر خوراسانی دادگایی بكرێت، ئەمرۆ لەلایەن هێزە ئەمنیەكانی هەولێرەوە دەستگیر كرا دواتر بەكەفالەت ئازاد كرا.

كەنالی سروشت كە دكتۆر مەزهەر خوراسانی بەرێوەبەری كەنالەكەیە لەلاپەرەی تایبەتی خۆی لەتۆری كۆمەڵایەتی فەیسبوك بانگەوازێكی بڵاوكردۆتەوە بەمەبەستی پاڵپشتیكردنی دكتۆر مەزهەر خوراسانی داوا لەدەزگاكانی راگەیاندن و هاوڵاتیان دەكات كە لەبەردەم دادگای بەرایی هەولێر ئامادەبن .

دکتۆر مەزهەر خۆڕاسانی پێش نوێژو ووتار خوێنی مزگەوتی حاجی حمد امین نانەوایە لە هەولێر لە گەڕەکی حسارۆک ،وە بەرێوبەری کەناڵی سروشتەو بەوتەی خۆی تاوەكو ئێستا 17 جار لەوتاردان دورخراوەتەوە،بریاریشە سبەی لەسەر سكاڵای چەند رێكخراوێكی ژنان دادگایی بكرێت.

ئەلبوومی وێنەکان