پارێزگارێ دھوکێ: یەکگرتوو رولەکێ باش د حکومەتێ دا گێرایە

06/02/2020 - 20:08 بڵاوکراوەتەوە لە هەواڵ/كوردستانی

 

ئه‌ڤرو نیڤرو روژا پێنج شه‌مبی 6/2/2020 ب مه‌ره‌ما گه‌هاندنا پیروزباهی كرنێ ب هه‌لكه‌فتا سالیادا ئیعلانكرنا یه‌كگرتوویی ئیسلامی كوردستان بەرێز فەرهاد ئەمین ئەتروشی پارێزگارێ دھوکێ سه‌ره‌دانا مه‌لبه‌ندێ سێ كرن و ژلایێ ماموستا سعید علی عبو به‌رپرسێ مه‌لبه‌ندێ سێ هاتنه‌ پێشوازی كرن.

دروینشته‌كێ دا ب بەرھەڤبونا ماموستا غازی سعید ئەندامێ ئەنجومەنێ جێبەجێکرن و ئەندازیار ئوسمان یونس جێگرێ پارێزگارێ دھوک و ماموستا صباح بابیری سەروکێ فراکسیونا یەکگرتوو ل ئەنجومەنێ پارێزگەھا دھوکێ پارێزگارێ دھوکێ پیروزباھیێن خو ب ھەلکەفتا ب دوماھیک ھاتنا کونگرێ ھەشتێ و دەست ب کاربونا بەرپرسێ مەلبەندێ سێ گەھاندن و رولێ یه‌كگرتوو د گوره‌پانا سیاسی یا كوردستانێ دا ب گرنگی زانی و دیاركر كو یه‌كگرتوو شیایه‌ روله‌كێ باش بگێریت د ئاشته‌وایی یا نشتیمانی دا و لێك نێزیك كرنا لایه‌نێن سیاسی دا ھەروەسان شیاینە رولەکێ باش د حکومەتا خوجھی یا دھوکێ دا ب گێرن.

ژلایێ خوڤه‌ ماموستا سعید علی عبو سوپاسیا پارێزگارێ دھوکێ كر و دیاركر كو د قوناغا داهاتی دا پێتڤیه‌ هه‌می لایه‌ن ب ئێك رێزی و ئێكگرتن كاربكه‌ن بو ب ده‌ست ڤه‌ ئینانا مافێن وه‌لاتیان و خزمه‌تكرنا وان ب تاێبەت ل پارێزگەھا دھوکێ.