پارتی: یه‌كگرتوو شیایه‌ روله‌كێ باش د ئاشته‌وایی یا نشتیمانی دا بگێریت

06/02/2020 - 20:16 بڵاوکراوەتەوە لە هەواڵ/كوردستانی

ئه‌ڤرو نیڤرو روژا پێنج شه‌مبی 6/2/2020 شانده‌كێ لقا ئێک ب سەروکایەتیا بەرێز سەبەست تروانشی بەرپرسێ لقێ ب مه‌ره‌ما گه‌هاندنا پیروزباهی كرنێ ب هه‌لكه‌فتا سالیادا ئیعلانكرنا یه‌كگرتوویی ئیسلامی كوردستان سه‌ره‌دانا مه‌لبه‌ندێ سێ كرن و ژلایێ ماموستا سعید علی عبو به‌رپرسێ مه‌لبه‌ندێ سێ هاتنه‌ پێشوازی كرن.

 

دروینشته‌كێ دا ب بەرھەڤبونا ماموستا صباح بابیری سەروکێ فراکسیونا یەکگرتوو ل ئەنجومەنێ پارێزگەھا دھوک شاندێ مێڤان رولێ یه‌كگرتوو د گوره‌پانا سیاسی یا كوردستانێ دا ب گرنگی زانی و دیاركر كو یه‌كگرتوو شیایه‌ روله‌كێ باش بگێریت د ئاشته‌وایی یا نشتیمانی دا و لێك نێزیك كرنا لایه‌نێن سیاسی دا.

 

ژلایێ خوڤه‌ ماموستا سعید علی عبو سوپاسیا شاندێ مێڤان كر و دیاركر كو د قوناغا داهاتی دا پێتڤیه‌ هه‌می لایه‌ن ب ئێك رێزی و ئێكگرتن كاربكه‌ن بو ب ده‌ست ڤه‌ ئینانا مافێن وه‌لاتیان و خزمه‌تكرنا وان.