یەکێتی: یەکگرتوو شیایە لایەنێن سیاسی لێک نێزیک بکەت

06/02/2020 - 20:23 بڵاوکراوەتەوە لە هەواڵ/كوردستانی

ئه‌ڤرو نیڤرو روژا پێنج شه‌مبی 6/2/2020 شانده‌كێ مەلبەندێ چوار یێ رێکخستنا بادینان یێ ئێکەتی نشتیمانی کوردستان ب سەروکایەتیا سیار بامەرنی جێگرێ بەرپرسێ مەلبەندی ب مه‌ره‌ما گه‌هاندنا پیروزباهی كرنێ ب هه‌لكه‌فتا سالیادا ئیعلانكرنا یه‌كگرتوویی ئیسلامی كوردستان سه‌ره‌دانا مه‌لبه‌ندێ سێ كرن و ژلایێ ماموستا سعید علی عبو به‌رپرسێ مه‌لبه‌ندێ سێ هاتنه‌ پێشوازی كرن.

دروینشته‌كێ دا ب بەرھەڤبونا ماموستا غازی سعید کارگێرێ ئەنجومەنێ جێبەجێکرن و ئەندازیار ئوسمان یونس جێگرێ پارێزگارێ دھوکێ و پارێزەر رەمەزان ئەرتیسی بەرپرسێ پەیوەندیێن مەلبەندی شاندێ مێڤان رولێ یه‌كگرتوو د گوره‌پانا سیاسی یا كوردستانێ دا ب گرنگی زانی و دیاركر كو یه‌كگرتوو شیایه‌ روله‌كێ باش بگێریت د ئاشته‌وایی یا نشتیمانی دا و لێك نێزیك كرنا لایه‌نێن سیاسی دا.

هەر ئه‌ڤرو نیڤرو روژا پێنج شه‌مبی 6/2/2020 شانده‌كێ بزاڤا گوران ب سەروکایەتیا بەرێز حەمید چەلکی بەرپرسێ ژورا پەیوەندیێن مەکویێ بادینان ب مه‌ره‌ما گه‌هاندنا پیروزباهی كرنێ ب هه‌لكه‌فتا سالیادا ئیعلانكرنا یه‌كگرتوویی ئیسلامی كوردستان سه‌ره‌دانا مه‌لبه‌ندێ سێ كرن و ژلایێ ماموستا سعید علی عبو به‌رپرسێ مه‌لبه‌ندێ سێ هاتنه‌ پێشوازی كرن.

ژلایێ خوڤه‌ ماموستا سعید علی عبو سوپاسیا شاندێن مێڤان كر و دیاركر كو د قوناغا داهاتی دا پێتڤیه‌ هه‌می لایه‌ن ب ئێك رێزی و ئێكگرتن كاربكه‌ن بو ب ده‌ست ڤه‌ ئینانا مافێن وه‌لاتیان و خزمه‌تكرنا وان.