وان... 13 هاوڵاتی ئێرانی بە سەرما گیانیان لەدەستدا

09/02/2020 - 11:22 بڵاوکراوەتەوە لە هەواڵ/كوردستانی

 

پارێزگاری وان ڕایدەگەیەنێـت: 13 كەس كە كۆچبەری نایاسایی بوون و لە رۆهەڵاتی كوردستانەوە چوونەتە ناو خاكی توركیاوە بەهۆی سەرماوە گیانیان لە دەستداوە.

 

پارێزگاری وان ئبڵاویكردەوە كە شەوی ڕابردوو فەرماندەیی هێزە جەندرمەكانی توركیا لە چاڵدێران پێان راگەیاندوون كە 13 كۆچبەر نایاسایی كە لە خاكی ئێرانەوە هاتوون بەهۆی سەرماوە رەقبوونەتەوە و گیانیان لە دەستداوە.

 

ئەوەشی خستەڕوو: لە ئێستادا بەهۆی خراپی كەش و هەواوە و بارینی بەفرەوە ناتوانن بچنە ناوچەكەی و دواتر پاش ئارام بوونەوەی كەشوهەوا بەدواداچوون دەكەن بۆ رووداوەكە و گفتوگۆ لەگەڵ بەرپرسانی ئێران دەكەن.