چەند بڕیارێكی نوێ بۆ شۆفێران ڕاگەیەندرا

09/02/2020 - 11:44 بڵاوکراوەتەوە لە هەواڵ/كوردستانی

 

وتەبێژی پۆلیسی هاتووچۆی هەولێر ڕایدەگەیەنێت: بە مەبەستی كارئاسانی بۆ شۆفێران و هاوڵاتیان چەند بڕیارێكی نوێ دەركراوەو سودی بۆ شۆفێران دەبێت.

 

فازڵ حاجی وتەبێژی پۆلیسی هاتووچۆی هەولێر بڵاویكردەوە بەمەبەستی ئاسانكاری زیاتر بۆ هاوڵاتیان وشۆفێران بڕیار درا بە ئەنجامدانی كار ئاسانی لە كۆمەڵێك بابەت بەم شیوەیەی خوارەوە:

 

1/جێبەجێكردنی بڕیای دانی پارەی سزای هاتووچۆ بەشێوەی قیست بەبێ دیاریكردنی بڕی پێشەكیەكە كەپێشتر دەبوایە هاوڵاتی بری 250000هەزار دینار وەكو پێشەكی بدات كەئەمە لەبەرژەوەندی زۆریك لەهاوڵاتیانە.

2/لەكاتی ئەنجامدانی كڕین وفرۆشتن لەسەر هەر ئۆتۆمبێلێك كە پارەی سزای لەسەر بێت دەتوانرێت پارەكە نەدرێت وەبكرێت بەقیست وەبكەویتە سەر لایەنی كریار بەمەرجێك هەردولا( كریار وفرۆشیار )ڕازی بن وە كریار بەڵیننامە بدات لە هاتووچۆ كەپارەكە لەماوەی ساڵێك دەدات.

3/لەحاڵەتی بەسەرچونی ساڵانە وە كەڵەكەبونی برێكی زۆری پارەی سزای هاتووچۆ ڕێگادەدریت بەتازەكردنەوەی ساڵایان بەمەرجێك خاوەن ئۆتۆمبێل بەڵین نامە بدات كە لەماوەی ساڵێك پارەكە بدات وە ساڵانەكەشی بۆماوەی ساڵەكە بۆنوی دەكرێتەوە.

4/پشكنینی ئۆتۆمبێل لەحاڵەتی كرین وفرۆشتن كەپیشتر تەنها بۆماوەی شەش مانگ كاری پێدەكرا كرایە ماوەی ساڵێك كەئەمەش كارئاسانیەكی زۆر دەبیت بۆشوفیران وهاولاتیان.

5/ئەم بریارانە سەرجەمیان لە10/2/2020جێبەجێ دەكرێن.