گەورەترین هێرشی ئەلیكترۆنی كرایە سەر ئێران

09/02/2020 - 12:11 بڵاوکراوەتەوە لە هەواڵ/كوردستانی

 

وەزیری پەیوەندیەكانی ئێران ڕایدەگەیەنێت: دوێنێ شەممە ئێران ڕوبەڕوی هێرشێكی ئەلیكترۆنی بەهێز بوەتەوە، بەهۆیەوە ئینتەرنێتی وڵات پچراوەو هەوڵی دۆزینەوەی ئەو لایەنە دەدەن كە ئەو كارەی ئەنجام داوە.

 

محەمەد جەواد ئازەری جەهرەمی وەزیری پەیوەندیەكانی ئێران بڵاویكردەوە: دوێنێ شەممە هێرشێكی ئەلیكترۆنی گەورە بۆ سەر تۆڕی ئینتەرنێتی وڵاتەكەی ئەنجامدراوە، لە ئێستادا پسپۆرانی تاران كاردەكات بۆ دۆزینەوەی ئەو لایەنەی كە هێرشەكەی ئەنجامداوە .



هەروەها ووتیشی: هێشتا كێشەی ئینتەرنێت لە وڵاتەكەی بە تەواوەتی چارەسەر نەكراوە، دوژمن هێشتا سورە لەسەر ئەوەی كە كار لەئینتەرنێتی ئێران بكات و ئەو هێرشە ئەلیكترۆنییە ژێرخانی ئینتەرنێتی ئێرانی كردبوە ئامانج و گەورەترین هێرشی ئەلیكترۆنییە كە تا ئێستا كرابێتە سەر ئەو وڵاتە .