شارەوانی سلێمانی هەڵمەتێكیان بۆ لابردنی زیادەڕەوی ئەنجامدا

09/02/2020 - 13:54 بڵاوکراوەتەوە لە هەواڵ/كوردستانی

 

سەرۆكایەتی شارەوانی سلێمانی هەڵمەتێكیان ئەنجامدا بۆ لابردنی ئەو زیادەڕەویانەی كە لە شەقامی سالم دانرابوو.

 

سەرۆكایەتی شارەوانی سلێمانی لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: ئەمڕۆ ٢٠٢٠/٢/٩ بەشی زیادەڕەوی سەرۆكایەتی شارەوانی سلێمانی بە هاوكاری بەشی ئامێرەكان و بەشی پۆلیسی شارەوانی سلێمانی وە بە هاوكاری بەردەوامی بەڕێوبەرایەتی هاتووچۆی سلێمانی هەڵمەتێكیان ئەنجامدا بۆ لابردنی ئەو زیادەڕەویانەی كە لە شەقامی سالم دانرابوو.

 

ئەوەشی خستەڕوو: بەشی زیادەڕەوی چەند ڕۆژێكە ئاگاداری خاوەن عەرەبانە و هەموو ئەو فرۆشیارانەی سەر ئەو شەقامەیان كردووە كە بە زیادەڕەوی شۆستەكەیان داگیر كردبوو كە هەستن بە لابردنی ئەو زیادەڕەوییە.