هۆشدارییەك بۆ هاوڵاتیان، چەند ڕێنماییەك پەیڕەوبكەن

10/02/2020 - 09:14 بڵاوکراوەتەوە لە هەواڵ/كوردستانی


بەڕێوەبەرایەتی ئاوی سلێمانی داوا لە هاوڵاتییان دەكات بۆ دروستنەبوونی رووداوی هاتوچۆ ئاو لە شەقام و كۆڵانەكاندا نەڕێژن و ڕایدەگەیەنێت: ئەو ئاوەی دەیڕێژن دەیبەستێت و رووداوی هاتوچۆ دروستدەكات.

 

بەڕێوەبەرایەتی ئاوی سلێمانی لە راگەیەندراوێكدا كەوێنەیەكی دەست كوردیو كەوتوە، داوا لە هاوڵاتییان دەكات ئاو نەڕێژن و ئاو رشتن لە كۆڵان و شەقامەكاندا، دەبێتە بە فیڕۆدانی ئاو و بەهۆی نزمی پلەی گەرماوە شەقامەكان دەیبەستێت و كارەساتی ئۆتۆمبێلی لێدەكەوێتەوە .

 

ئەوەشی خستەڕوو: پێویستە هاوڵاتییان پێوەری ئاو داپۆشن، بۆ ئەوەی نەبێتە هۆی شكانی پێوەرەكە و دەزولەیەك ئاو بكەنەوە، بۆئەوەی بۆری ئاوەكان لە بەستن بپارێزن.

 

هەروەها بەڕێوەبەرایەتی ئاوی سلێمانی داواش دەكات لەكاتی بەستنی بۆری ئاودا، كەمێك ئاوی گەرم بە بەلۆعە و بۆڕیەكاندا بكەن، بۆئەوەی نەبێتە هۆی شكانی بۆڕییەكان.