سلێمانی... نرخی یەك لیتر غازی شلی ئۆتۆمبێل 500 دینارە

11/02/2020 - 11:36 بڵاوکراوەتەوە لە هەواڵ/كوردستانی

قەیرانی كەمی و گرانی غاز لە هەرێم بەردەوامەو ئەمڕۆ سێ شەممە نرخی یەك لیتر غازی شل بۆ ئۆتۆمبێل 500 دینارە و شۆفێرانیش نیگەرانن.


پەیامنێرمان لە شاری سلێمانی پێی ڕاگەیاندین: هاوشێوەی ڕۆژانی ڕابردوو، ئەمڕۆ سێ شەممە نرخی یەك لیتر غازی شل بۆ ئۆتۆمبێل بە 500 دینارە و ئەوەش شۆفێرانی نیگەران كردووە.

 

هەروەها ووتیشی: هەر ئەمڕۆ هاوڵاتیان بە بەدەستهێنانی بتڵێك غاز ڕویان لە غاز فرۆشەكانی فلكەی مامە ڕیشە كردو ئەوەش نیگەرانی هاوڵاتیانی لێكەوتەوە.

جێگەی باسە لەماوەی چەند ڕۆژی ڕابردوودا بەشێك لە بەرپرسانی حكومی باس لە كۆتایهاتنی قەیرانی غاز لە هەرێم دەكەن، بەڵام ڕۆژانە هاوڵاتیان ڕوو لە ناوەندەكانی فرۆشتنی غاز دەكەن بە مەبەستی بەدەستهێنانی بتڵێك غاز.