ئەو كەسانەی زانیاری هەڵەیانداوە، بەریتانیا مافی پەنابەرێتیان لێوەردەگرێتەوە

16/02/2020 - 09:34 بڵاوکراوەتەوە لە هەواڵ/كوردستانی

 


ماوەی چەند ساڵیكە حكومەتی بەریتانیا مامەڵەی یاسای خۆی لەگەڵ پەنابەرانی وڵاتەكەی گۆڕیووە و تا دێت پیدانی مافی پەنابەری لەو ولاتەكەشی قورستر دەكات.

 

بۆریس جۆنسۆن سەرۆك وەزیرانی بەریتانیا بە بۆنەی چوونەدەرەوەی بەریتانیا لە یەكێتیی ئەوروپا (برێكزیت)دا ڕایگەیاند كە لەمەودوا هەوڵی تەواو دەدەن كە كۆنترۆڵی كۆچ بۆ وڵاتەكەیان بكەن و پێداچوونەوەش بە كەرتی كۆچ و كۆچبەرانی وڵاتەكەشیاندا بكەنەوە.

 

شارەزایەكی كاروباری رۆژهەڵاتی ناوەراست ڕایگەیان: مافی پەنابەری و هاووڵاتیبوون لە بەریتانیا لەو كەسانە دەسەنرێتەوە كە زانیاری هەڵەیان لەسەر خۆیان داوە.

 

د. رێبوار فەتاح ، لەرێگەی‌ ئەكاونتی‌ تایبەتی‌ خۆیەوە لەتۆڕی‌ كۆمەڵایەتی‌ فەیسبوك ڕایگەیاند : لە بەریتانیادا، سەدان پەنابەری كوردی عێراق، مافی پەنابەریان لێ دەسێنرێتەوە ئەوانەشیان كە مافی هاووڵاتبوونیان پێدراوە دادەماڵرێن.

 

ئەو شارەزایە هۆكارەكەی‌ بۆ ئەوەگەڕاندەوە كە ئەمان، چەندین ساڵ بەر لە ئێستا كە داوای پەنابەریان كردووە، زانیاری هەڵەیان لەسەر خۆیان داوە، بۆ نمونە خەڵكی هەرێمی كوردستان بوون، لای وەزارەتی ناوخۆ وەك خەڵكی دەری هەرێم خۆیان نووسیووە. هەندێكی دیكە خەڵكی هەرێمی كوردستانن و بە خەڵكی ئێران خۆیان ڕادەست كردووە، زۆر لافی سەیروسەمەرەی دیكە .

 

هەروەها دەشلێت : ئێستا كە ساڵانێكی زۆرە لێرە دەژین، منداڵیان دەبێ، هاوسەری پێكدێنن یان بە جۆرێكی دیكە پێویستیان بەوەیە كە ئەو زانیاریەی داویانە لە بەریتانیا وەك تۆماری باری كەسی عێراق/كوردستانی لێ بكەن، تا گیرۆدەی گرفتی یاسایی نەبن لە هەردوولا كە پەیوەندی دەكەن بە وەزارەی ناوخۆی بەریتانیاوە، بە زانیاریەك كە تەبا نیە لەگەڵ ئەوەی پێشتر داویانە، مافی پەنابەری یان مافی هاووڵاتبوونیان دەچێتە تەنەكەی خۆڵەوە، گرفتێكی گەورەیە و لە زۆر باردا، چارەسەری نیە .

 

 

چیرۆكی سەرهەڵدانی پێدانی زانیاری هەڵە

بە پێی گێرانەوەكان چیرۆكی بە دیاردەبوونی زانیاری گۆڕین دەگەڕیتەوە بۆ بەرلە ڕوخانی ڕژێمی عێراق و لێدانی سەدام حسین كە بەریتانیا بەناچاری بە فشاری ئەمریكا ڕازی بوو لەسەدام حسێن بدات ، ئیتر سەدام بڕیاریدا هەر هاوڵاتیەكی عێراقی بچێتە بەریتانیا لە سێدارەی بدات.

بەریتانیاش بەرامبەر سەدام ، بریاری دا هەر هاوڵاتیەكی عێراقی بەتایبەت خوارهەژدە ساڵ، بێتە وڵاتەكەی ئیقامەو مافی پەنابەری پێدەدات

لە دوای ئەو بڕیارەوە زیاتر لە حەفت هەزار كەس خۆی گەیاندە بەریتانیا بەناو موالیدی هەڵە و بچوكتر لە هەژدە ساڵ خۆیان تەسلیم كرد بەریتانیاش دەی زانی بەباشی كە ئەوانە زانیاری دروست نین بەڵام لە ڕقی سەدام و سیاسەتەكەی زۆر بە خێرای مافی پەنابەری پێدان.

ماوەی چەند ساڵیكە حكومەتی بەریتانیا ، جنسیەو پاسەپۆرتەكانیان هۆڵ دەكات لەكاتی ئاشكرا بون، بەڵام بۆ ماوەیەكی كاتی دوایی بە چەند فلتەرو فۆرمێك بۆیان ڕاست دەكاتەوە دووبارە دەبنەوە خاوەن جنسیەی بەریتانی ، بۆ ئەو مەبەستەش فۆرمێكی تایبەتی دروست كردوە كە پێی دەڵێن فۆرمی ئاڕ ئاڕ واتە ڕاستكردنەوەی زانیاریەكان ئەگەر خۆت داواكەیت و ئەو فۆرمە پركەیتەوە ئەوا بەپێی زانیاریەكان زوتر كارەكانت بۆ چاك دەكەنەوە و ئەگەر خۆشیان داوات لێبكەن لە ٦ مانگە وە بۆ چەند ساڵیك دەخایەنیت تا دەبیتەوە بە خاوەنی جنسیەی ئەو وڵاتە.