بەندی (9) و (12)ـی كیمیای پۆلی دوانزە لادرا

23/02/2020 - 10:40 بڵاوکراوەتەوە لە هەواڵ/كوردستانی

 

وەزارەتی پەروەردەی حكومەتی هەرێمی كوردستان ، بریارێكی فەرمی دەركرد و دوو بەندی كتێبی كیمیای پۆلی دوانزە لادرا و قوتابیان نایخوێنن.

سەدرەدین زرار یاریدەدەری سەرپەرشتیاری یەكەمی ئامادەیی لەپارێزگای هەولێر لەلێدوانێكیدا بۆ كوردیو رایگەیاند: " بەفەرمانی وەزارەتی پەروەردە بەندی (9) و (12)ـی لە پۆلی دوانزەی ئامادەیی لابرا و قوتابیان نایخوێنن".

وتیشی : " ماوەی هەشت ساڵە بەندێك لە قوتابخانەكان ناخوێنرێت ، بۆیە بەفەرمانی وەزارەت ، بەندی نۆ و دوانزە لابرا و داخیلی تاقیكردنەوەكان ناكرێت".

لەبارەی هۆكاری لابردنی ئەم دوو بەندە ، سەدرەدین زرار بە كوردیوی راگەیاند : " لاپەرەكانی كیمیای پۆلی دوانزە لەهەموو كتێبێك زیاترە ، ژمارەی بەندەكانیشی زیاترە بۆ هاوتای بەندەكانی كیمیای پۆلی (10) و (11) كرایەوە".