كوردیو زانیاری لەبارەی چوار هۆڵەكەی نەخۆشخانەی فریاكەوتنی هەولێر بڵاودەكاتەوە

23/02/2020 - 11:19 بڵاوکراوەتەوە لە هەواڵ/كوردستانی

 

بەرپرسێكی كارگێری نەخۆشخانەی فریاكەوتنی هەولێر رایدەگەینێت هەموو ئامادەكارییەك كراوە بۆ رووبەرووبوونەوەی ڤایرۆسی كۆرۆنا لە هەولێر و تا ئێستا هیچ حاڵەتێك تۆمارنەكراوە.

جەلیل عەبدوڵا جێگری بەرێوەبەری نەخۆشخانەی فریاكەوتن (ناوەند) ، بە كوردیوی راگەیاند : " سوپاس بۆ خوا تا ئێستا هیچ حاڵەتێكی تووشبوون و گومانلێكردنی ڤایرۆسی كۆرۆنا لە نەخۆشخانەكەمان نییە".

وتیشی : " ئێمە نەخۆشخانەكەمان چۆڵ كردووە و (4) هۆڵی گەورەمان بۆ چارەسەری ئەم ڤایرۆسە دابینكردووە و پزیشكی پسپۆری لێیە لەهەر حاڵەتێك ئێمە دەست بەكارەكان دەكەین ، بەڵام تا ئێستا هیچ كەسێك نەهاتۆتە نەخۆشخانەكە".

عەبدوڵا وتیشی : " هاوڵاتیان دڵنیا دەكەینەوە تا ئێستا حاڵەتی ڤایرۆسی كۆرۆنا تۆمارنەكراوە و وەزارەتی تەندروستیش هێڵی گەرمی داناوە بۆ هەر حاڵەتێكی نەخوازراو ، ئێمەش ئامادەكاری تەواومان كردووە".