چوار بریاری گرنگ و چاره‌نووسساز بۆ لاڤانی هه‌شت ساڵان ده‌ركرا

23/02/2020 - 17:41 بڵاوکراوەتەوە لە هەواڵ/كوردستانی
وەزارەتی پەروەردەی حكومه‌تی هه‌رێمی كوردستان، چوار بریاری گرنگی له‌باره‌ی كچه‌ هه‌شت ساڵانه‌كه‌ی هه‌ولێر ده‌ركرد.
 
دەقی راگەیه‌نراوەکەی وەزارەتی پەروەردە:
بەمەبەستی چارەسەرکردنی کەیسی قوتابی لاڤان لوقمان، کە لە 3-4-2019 رووبەڕووی تاوانێکی قێزەوەن هاتبووەوە ، بەمەبەستی گەڕاندنەوەی بۆ قوتابخانە، لیژنەیەکی وەزارەتی پەروەردە بە سەرۆکایەتی وەزیری پەروەردە و ئەندامێتی بەڕێزان راوێژکارانی وەزارەت و بەڕێوەبەری گشتی پەروردەی هەولێر و بەڕێوبەری گشتی ئەزموونەکان و بەڕێوبەری گشتی باخچە و فێرکردنی بنەڕەتی، پێکهات و بڕیار درا:
 
یەکەم: بەگەڕاندنەوەی لاڤان لوقمان بۆ هەر قوتابخانەیەک کە باوکی دەستنیشانی بکات لە هەولێر.
 
دووەم: نمرەکانی وەرزی یەکەمی ساڵی خوێندنی رابردووی، قۆناغی دووەم، بۆ وەرزی دووەمیش حساب بکرێت لە بۆردی نمرەکان و ساڵی خوێندنی 2018-2019 ، بە دەرچوو ئەژماربکرێت.
 
سێیەم: بەزووترین کات بگەڕێتەوە بۆ قوتابخانە و نمرەی وەرزی دووەمی ئەمساڵی بۆ وەرزی یەکەمیش ئەژمار بکرێت.
 
چوارەم: بەڕێوەبەری گشتی پەروەردەی هەولێر راسپێردرا کە تەواوی پاڵپشتی زانستی و فێرکاری بۆ قوتابی ناوبراو دابین بکرێت.