وەزارەتی کار سیاسەتی پاراستنی منداڵ دادەرێژێت

دوو شەممە, 17 تەمموز 2017 10:46

وه‌زاره‌تی کارو کاروباری کۆمەڵایەتی بەهاوکاری رێکخراوی یونسێف و (جمعیە الامل العراقیە ) ۆورک شۆپێکی ڕاگەیاند کە سێ ڕۆژ دەخایەنێت و مەبەستی لێی دارشتنی سیاسیتێكه‌ بۆ پارستنی منداڵ له‌هه‌رێمدا.


 ئەمڕۆ دووشەممە ۱۷ـ۷ــ۲۰۱۷ لەشاری هەوڵێر  بەئامادەبونی بەڕێز دکتۆر محمد قادر هاودیانی وەزیری کاروکاروباری کۆمەلایەتی وەزارەتی کاروکاروباری کۆمەلایەتی بەمەبەستی دارشتنی سیاسەتی پاراستنی مندال لەهەرێمی کوردستان و بەهاوکاری رێکخراوی یونسێف و (جمعیە الامل العراقیە ) دەسپێکی ۆورک شۆپێکی ڕاگەیاند کە سێ ڕۆژ دەخایەنێت کەتیایدا کۆمەڵێک شارەزایی ناوخۆو نێو دەولەتی تیایدا ئامادەدەبن بەمەبەستی ووتوێژ کردن و دارشتنی سیاسەتیکی تایبەت بە پارستنی مندال لەهەرێمی کوردستان.


لەلایەن خۆیەوە وەزیری کار رایگەیاند: کە ئێمە لەکوردستان پێویستمان بە سیاسەتیکی تۆکما هەیە کە بتوانین یاساکانی پاراستنی مندال لەهەرێمی کوردستان لە بەرژەوەندی مافەکانی مندال بێت و وەهەروەها بتواندرێت بدرێتە ئەنجومەنی وەزیران و دواترلە پەرلەمانی کوردستان بتوانێت بکاتە یاسایەک لەهەرێمی کوردستان و لەبەرژەوەندی مندالانی کوردستان بێت چونکە مندالان لەهەموو گەل و نەتەوەیەک دوارۆژی ئەو گەلە پێک دێنن بۆیە ئیمەش پێویستمان بەیاسایەکی وا هەیە لەهەرێمی کوردستان.

 
هه‌روه‌ها ئاماژەی بەوەش  کرد: لەئێستادا لەکوردستان زۆر پێویستمان بەوە هەیە بتوانین زیاتر گرنگی بەداوارۆژی مندالەکانمان بدەین بۆی گەشبینم کە ئیوە بتوانن سیاسەتیکی باش دابرێژن کەلە بەرژەوەندی مندالانی کوردستان بێت.

 

هونه‌ر بانه‌گوڵانی