گەرمیان... لە ٦ مانگدا 3616 ئۆتۆمبیل بەر كامێرای چاودێری هاتوچۆ كەوتوون و سزادراون

دوو شەممە, 17 تەمموز 2017 10:53


راگەیاندنی هاتوچۆی گەرمیان رایدەگەیەنێت لەماوەی ٦ مانگی ڕابردودا لەگەرمیان، 3616 ئۆتۆمبیل بەر كامێرای چاودێری هاتوچۆ كەوتوون و سزادراون.


بە پێی ئامارێكی بەشی كامێرای چاودێری خێراێی هاتوچۆی گەرمیان لەماوەی مانگی كانونی دوەم هەتا حوزەیران دا 3616 ئۆتۆمبیل بەر كامێرای چاودێری كەوتوون و سزادراون.


ئامارەكە روونی دەكاتەوە : لەو رێژەیە 2850 ئۆتۆمبیل ژمارە سلێمانی بووە و 766 ئۆتۆمبیل ژمارە هەولێر و دهۆك بووە .


بەشی كامێرای چاودێری ئەركیان دانانی كامێرای هاتوچۆیە لەسە ر ڕێگاوبانەكانی ناوشار و دەروەی شار ، كە ئەو ئۆتۆمبیلانە سزا دەدرێن كە لە خێرای دیاریكراو زیاتر دەرۆن لەسەر شەقامەكان.


أ.س