لە مانگی (9) موچەی فەرمانبەران بەبێ پاشكەوت لە سیستەمی نوێ مووچە دابەش دەكرێت

هەینی, 11 ئاب 2017 15:18

 

گۆڕانكاری لەموچەی فەرمانبەرانی هەرێم دەكرێت و وادەیەكی نوێی بۆ دابەشكردنی موچەكانیان بەبێ پاشەكەوت و بەسیستمێكی نوێ موچە ئاشكرا دەكرێت.

بەپێی زانیارییەكان، كە لە وەزارەتی دارایی دەستكەوتووە ، بڕیاروایە لە مانگی (9) و  لەمساڵدا دەستكاری پاشەكەوتی موچە دەكرێت و سیستمەكە لادەبرێت، حكومەتیش بە سیستمێكی نوێ موچە دابەشدەكات بەبێ ئەوەی پاشەكەوتی لێ بكرێت، هەروەها بەپێچەوانەی ساڵی رابردوو، هیچ موچەیەكی ئەمساڵ بۆ ساڵی داهاتوو هەڵناگیرێت.


هەر بەپێی ئەو زانیاییانە، ئامادەكاریەكانی دەستكاریكردنی موچەی فەرمانبەران گەیشتۆتە قۆناغی كۆتایی و پارەی پێویستیش بۆ ئەو مەبەستە تەرخاندەكرێت، موچەی مانگی تەمموزی ئەمساڵیش بەدەستكاریكراوی دەدرێتە فەرمانبەران، كە لە مانگی (9) دابەش دەكرێت.

بەپێی زانیاریەكانی كوردیو سیستەمی نوێ مووچە تەواو جیاوازە لە سیستەمی ئێستای مووچە، كە ئێستا خراوەتە چوارچێوەی پاشكەوتی مووچە، كە تێیدا فەرمانبەر بەشێوەیەكی گشتی (%30 بۆ %50) مووچەكە وەردەگرێت، بڕیاروایە بەپێ سیستەمی دابەشكردنی مووچە بەپێ پرۆژەی بایۆمەتری تەنها مووچەی بنەرەتی و دەرماڵەی خێزان و منداڵ و دەرماڵەی بڕوانامە، لە خۆ بگرێت كە دەكاتە لە (%70)  كۆی گشتی مووچەی پێشوتری فەرمانبەران.

زانیاریەكانیان لە وەزارەتی دارایی ئاماژە بەوە دەدەن كە فەرمانبەرانی ئەو وەزارەتانەی كە هیچ رێژەی دەرماڵەیەكیان نییە ، زیاتر لە هەموو فەرمانبەرانی وەزارەتەكانی تر سودمەند دەبن لە رێژەی وەرگرتنی بڕە پارەی مووچەكانیان، بەپێچەوانەی ئەو فەرمانبەرانەی كە رێژەی دەرماڵەیان زۆر بەرز بووە، كە هەندێ فەرمانبەر لە وەزارەتەكان بە رێژەی (%200) دەرماڵەیان بۆ خەرجكراوە، ئەوانە تا ئاستێكی كەم سودمەند دەبن.

پەیرەوكردنی ئەو سیستەمە تازەیەی مووچە تەنها بۆ ئەوەیە كە حكومەت ئیتر بەپێ یاسا دەیەوێت قەرزاری فەرمانبەر نەبێت، ئەمەش بە نەهێشتنی دەرماڵە جیاوازەكانی فەرمانبەران و هەمەیش رزگاری دەبێت لە سیستەمی پاشەكەوتی مووچە.

جێی ئاماژەیە لەرۆژانی رابردوودا سەرۆكی حكومەتی هەرێم ڕایگەیاند: دوو مانگی تر موچەی فەرمانبەرانی هەرێم بەسیستمێكی نوێ دابەشدەكرێت.

 

بۆ ئەوەی بگەیتە راستی هەواڵەكان، پەرەی دووەمی ماڵپەری كوردیو لایك بكە