"مووچه‌ی ئه‌م چینه‌ پاشەكەوتی لەسەرناكرێت و سیستمە نوێیەكەش نایانگرێته‌وه‌"

شەممە, 12 ئاب 2017 12:51

 

 
 
به‌رپرسێكی وه‌زاره‌تی شه‌هیدان و ئه‌نفالكراوان رایگه‌یاند: هیچ گۆڕانكاریەك لەبڕی موچەی كەسوكاری شەهیدان ناكرێت و ئاماژه‌به‌وه‌ ده‌كات: ئه‌گەر سیستمی نوێی موچەش پەیڕەوبكرێت، دەستكاری موچەی وارسی شەهیدان ناكرێت .

له‌ ئێستادا ده‌نگۆی ئه‌وه‌ هه‌یه‌ له‌مانگی نۆدا ده‌ستكاری پاشه‌كه‌وتی مووچه‌ بكرێت و پێشتریش ئه‌وه‌ راگه‌یه‌ندرا كه‌ به‌پێی سیستمی نوێی موچە هەر موچەخۆرێك لە70%ی موچەكەی بەر لەقەیرانی پێ ده‌درێته‌وه‌ .

ئەحمەد مام ڕەسوڵ، بەڕێوەبەری گشتیی خزمەتگوزارییەكان لەوەزارەتی كاروباری شەهیدان و ئەنفالكراوانی حكومەتی هەرێم ڕِایگەیاند، "بەهیچ شێوەك موچەی وارسی شەهیدان  كەمناكرێتەوە، جگەلەوەش ئەو سیستمە نوێیەی باسیدەكرێت موچەی كەسوكاری شەهیدان ناگرێتەوە".

ئه‌و به‌رپرسه‌ بۆ SNN وتهویه‌تیشی: "موچەی كەسوكاری شەهیدان بەبەراورد بەكەمئەندامانی سەنگەرو خانەنشینی سەربازی موچەكانیان زۆركەمە، جگەلەوەش چەندجارێك بەڕەسمی داوامان لەحكومەت كردوە موچەی وارسی شەهیدان زیادبكرێت، بەڵام تائێستا وەڵاممان نەدراوەتەوە".

ده‌شڵێت: هەر گۆڕانكارییەك لەسیستمی موچە بكرێت و تایبەتبێت بەكەمكردنەوە بەتایبەت دوای هەڵگرتنی سیستمی پاشەكەوت، موچەی كەسوكاری شەهیدان ناگرێتەوەو سیستمەكەیان لەسەر پەیڕەوناكرێت .

م-ع-كانی