گه‌رمیان... دوو بۆمب به‌ئۆتۆمبێلێكی پێشمه‌رگه‌و ئۆتۆمبێلی هاوڵاتیه‌ك ته‌قینه‌وه‌و قوربانی هه‌یه‌

شەممە, 12 ئاب 2017 13:34

 

له‌ سنوری گه‌رمیان به‌تایبه‌تی له‌ده‌وروبه‌ری ناحیه‌ی گوڵاڵه‌ ماوه‌یه‌كه‌ چه‌كدارانی داعش بۆمبی چێندراو داده‌نێنه‌وه‌و به‌هۆیه‌وه‌ هاوڵاتیانی كوردو پێشمه‌رگه‌ ده‌بنه‌ قوربانی و ئه‌مرۆش به‌هۆی ته‌قینه‌وه‌ی دوو بۆمبی جیاوه‌ به‌ ئۆتۆمبێلی پێشمه‌رگه‌و ئۆتۆمبێلێكی مه‌ده‌نی دا چند قوربانیه‌كی لێ كه‌وته‌وه‌ .

به‌پێی زانیاریه‌كان سه‌رله‌به‌یانی ئه‌مرۆ شه‌ممه‌ 2017/8/12 له‌گوندی پایزه‌ی سه‌ر به‌ناحیه‌ی گوڵاڵه‌ بۆمبێكی چێندراو به‌ ئۆتۆمبێلێكی هێزه‌كانی لیوای 120ی پشده‌ر ته‌قیوه‌ته‌وه‌و به‌هۆیه‌وه‌ دوو پێشمه‌رگه‌ برینداربوونه‌ .

له‌لایه‌كیتره‌وه‌ له‌نێوان گوندی تاتران و نارین له‌ سنوری قه‌ره‌ته‌په‌ بۆمبێكی چێندراو به‌ ئۆتۆمبێلێكیتر ته‌قیه‌وه‌ كه‌ ئۆتۆمبێلێكی مه‌ده‌نی بووه‌و شوفێره‌كه‌ی كه‌ هاوڵاتیه‌كی كورده‌ به‌ناوی حه‌بیب قادر برینداربووه‌ .

برینداره‌كانی ئه‌م رواداوانه‌ش ڕه‌وانه‌ش نه‌خۆشخانه‌ی فریاكه‌وتنی شه‌هید هه‌ژار له‌ قه‌زای كه‌لار كراون بۆ وه‌رگرتنی چاره‌سه‌ری پێویست .

م-ع-كانی