بزانه‌ ئه‌و ئافره‌ته‌ی دوێنێ به‌ناوی خۆكوژوه‌ ده‌ستگیركرا كێ ده‌رچوو

چوار شەممە, 16 ئاب 2017 11:13
دوای ئەوەی دوێنێ وا بڵاوكرایەوە ژنێكی خۆكوژ لە شاری كەركوك لە ناو زەل و قامیشەڵانی ناوچەكەدا خۆی حەشارداوە، هێزەكانی ئاسیش و پۆلیس دەستگیریانكرد، بەڵام دوای لێكۆڵینەوە ئازاد كرا.
 
سەرچاوەیەكی ئاگادار لە بنكەی پۆلیسی عەرەفە  رایگەیاند: دوای ئەوەی وا بڵاوكرایەوە كە ئەو ژنە خۆكوژە، هێزەكانیان توانیان دەستگیری بكەن، دواتر لێكۆڵینەوەی لەگەڵدا كراو دەركەوت دانیشتوی شاری كەركوكەو ئاوارەی قەزای حەویجەیە، ماڵەكەشی نزیكە لەو شوێنەی تیایدا دەستگیر كراوە.
 
ئاماژه‌ی به‌وه‌ش كردووه‌: ئەو ژنە باری دەرونی تەواو نەبوە بەهۆی نەداری و هەژارییەوە رۆیشتۆتە ئەو شوێنە بۆئەوەی لەوێ بمێنێتەوە تا گیانلەدەستدانی، چونكە گوزەرانیان ئەوەندە خراپە دەڵێن ماوەی پێنج مانگە برنجیان نەبوە بیخۆن.
 
سەرچاوەكەی پۆلیسی عەرەفە بە رادیۆی نەوای وتوه‌ : دوای دڵنیابونەوەو پیشاندانی راپۆرتی پزیشكی، ژنەكە رادەستی كەسوكاری كرایەوە.
 
 
 
هونه‌ر بانه‌گوڵانی