كۆتایی هەفتە ، خشتەی نوێی موچە رادەگەیەنرێت

چوار شەممە, 13 ئەیلول 2017 04:20



وەزارەتی دارایی و ئابووریی حکوومەتی هەرێمی کوردستان لە هەوڵدایە لە ماوەی هەفتەیەک و بەر لە ریفراندۆم موچەی سەرجەم وەزارەتەکان دابەش بکات.

 بەپێی زانیاریەكانی كوردیو كە لە سەرچاوەیەكی ناو  وەزارەتی دارایی دەستیكەوتووە،  ئێستا وەزارەتی دارایی ئامادەکاری دەکات بۆ ئەوەی لە هەفتەی داهاتوودا مووچەی سەرجەم وەزارەتەکان دابەش بکات.

چاوەڕوان دەکرێت لە کۆتایی ئەم هەفتەیەدا، خشتەیەکی مووچە ڕابگەیەندرێت کە تێیدا وادەی دابەشکردنی مووچەی سەرجەم وەزارەت و فەرمانگە و توێژەکانی هەرێمی کوردستانی تێدابێت و لە ماوەی هەفتەیەکدا مووچەی هەموو شوێنەکان دابەش بکرێت.

پێشتر چەندان جار ئاماژە بەوە دراوە کە پێش ڕیفراندۆمی سەربەخۆیی کوردستان، مووچەی مانگی 7ی سەرجەم دامەزراوەکانی هەرێمی کوردستان دابەش دەکرێت، بۆ ئەمەش وەزارەتی دارایی تەنیا هەفتەی داهاتووی لەبەردەستدایە.