فازڵ میرانی: پارتی لەگەڵ سوپای عێراقدا شەڕ ناكات

چوار شەممە, 18 تشرینی یەکەم 2017 06:27


سكرتێری مەكتەبی سیاسی پارتی ڕایدەگەیەنێت كشانەوەی پێشمەرگە بۆ ناوچەكانی پێش شەڕی داعش بووە و ڕەتی دەكاتەوە لەگەڵ سوپای عێراق بكەوێتە خوێنڕێژیەوە.


فازڵ میرانی لە میانەی لێدوانێكدا بۆ كەناڵی عەرەبیە ڕایگەیاند: لە ساڵی 2016 دا پێش جەنگی ئازادكردنی موسل پێشمەرگە ڕێكەوتنی هەبوو لەگەڵ سوپای عێراقی بۆ ڕێكخستنەوەی سنورەكانی هێزی پێشمەرگە دوای كۆتایی هاتنی شەڕی داعش.


فازڵ میرانی وتیشی: پێشمەرگە رەتی دەكاتەوە لەگەڵ سوپای عێراقدا بكەونە شەڕ و خوێنڕشتن.


لە چەند ڕۆژی ڕابردوودا لە هەنگاوێكی لە ناكاودا سەرجەم هێزەكانی یەكێتی لە كەركوك و سەنگەرەكانیان لە بەرامبەر حەشدی شەعبیدا كشانەوە و لە ناوچەكانی شەنگال و موسڵێ بێ تەقە پێشمەرگەكانی پارتیش بەرامبەر حەشدی شەعبی كشانەوە.