به‌ڕێوه‌به‌رێك مه‌رجه‌كانی لێخۆشبوون له‌ باجی خانووبه‌ره‌ی هاوڵاتیان ئاشكرا ده‌كات

سێ شەممە, 14 تشرینی دووەم 2017 11:40

 

حکوومەتی هەرێمی کوردستان بڕیارێک سه‌باره‌ت‭ ‬بە‭ ‬لێخۆشبوون‭ ‬لە‭ ‬باجی‭ ‬خانووبەرە ‬ده‌رده‌كات، بەڕێوەبەری‭ ‬گشتیی‭ ‬باج‭ ‬و‭ ‬دەرامەت ‬وردەكاریی‭ ‬بڕیارەكە ئاشكرا ده‌كات‭ ‭.‬


دكتۆر‭ ‬كەمال‭ ‬وەرتی،‭ ‬بەڕێوەبەری‭ ‬گشتیی‭ ‬باج‭ ‬و‭ ‬دەرامەتی‭ ‬حكومەتی‭ ‬هەرێمی‭ ‬كوردستان‭ ‬‭ ‬راگەیاند: ‬بڕیاری‭ ‬ژمارە‭ ‬115ی‭ ‬ساڵی‭ ‬2017ی‭ ‬سەرۆكایەتیی‭ ‬ئەنجومەنی‭ ‬وەزیرانی‭ ‬هەرێمی‭ ‬كوردستان‭ ‬بۆ‭ ‬لێخوشبوون‭ ‬لە‭ ‬نەدانی‭ ‬باج‭ ‬درێژ‭ ‬كراوەتەوە، تاوه‌كو ‬5ی‭ ‬كانوونی یه‌كه‌می‭ ‬2017، ‬دیاریش‭ ‬نییە‭ ‬بۆ‭ ‬جاری‭ ‬دووەم‭ ‬درێژ‭ ‬دەكرێتەوە‭ ‬یان‭ ‬نا‭.‬

‭ ‬ بەڕێوەبەری‭ ‬گشتیی‭ ‬باج وتیشی: ئەو‭ ‬بڕیارە‭ ‬كە‭ ‬لە‭ ‬1‭/‬8‭/‬2017‭ ‬لە‭ ‬رۆژنامەی‭ ‬وەقایعی‭ ‬كوردستان‭ ‬بڵاو‭ ‬كراوەتەوە،‭ ‬تیایدا‭ ‬بڕیار‭ ‬دراوە‭ ‬بە‭ ‬لێخۆشبوون‭ ‬لەو‭ ‬سزا‭ ‬و‭ ‬سوودانەی‭ ‬كە‭ ‬كەوتۆتە‭ ‬ئەستۆی‭ ‬هاوڵاتییان‭ ‬بەهۆی‭ ‬كەمتەرخەمیی‭ ‬نەدان‭ ‬و‭ ‬دواخستنی‭ ‬باج‭ ‬بۆ‭ ‬ساڵانی‭ ‬پێشوو،‭ ‬بە‭ ‬مەرجێك‭ ‬باجە‭ ‬رەسەنەكە‭ ‬لە‭ ‬ماوەی‭ ‬90‭ ‬رۆژدا‭ ‬بدات.‬


دكتۆر‭ ‬كەمال‭ ‬وەرتی ئاشكرایكرد، ‬ئەو‭ ‬بڕیارە‭ ‬لە‭ ‬بەرژەوەندیی‭ ‬هاووڵاتییانە،‭ ‬چونكە‭ ‬غەرامە‭ ‬كەڵەكەبووەكان‭ ‬نادرێن.
سه‌باره‌ت به‌ جۆری ئه‌و باجانه‌ی كه‌ لێخۆشبوونه‌كه‌ ‌ ده‌یانگرێته‌وه‌، ناوبراو‭ ‬وتی: ‬جگە‭ ‬لە‭ ‬موڵك‭ ‬و‭ ‬زەوی‭ ‬و‭ ‬خانووبەرە،‭ ‬باجی‭ ‬كۆمپانیاكانیش‭ ‬دەگرێتەوە‭.

بەڕێوەبەری‭ ‬گشتیی‭ ‬باج بۆ میدیایه‌كی نزیك له‌ پارتی جه‌ختی له‌وه‌ كرده‌وه‌، 90‭ ‬رۆژەكە‭ ‬لە‭ ‬1‭/‬8‭/‬2017‭ ‬دەستی‭ ‬پێ‭ ‬كردووە،‭ ‬دیارە‭ ‬ئێستا‭ ‬درێژ‭ ‬كراوەتەوە،‭ ‬ئەو‭ ‬هاوڵاتییانەی‭ ‬كە‭ ‬قەرزاری‭ ‬باجن‭ ‬و‭ ‬سەردانی‭ ‬فەرمانگەكانی‭ ‬باجی‭ ‬خانووبەرە‭ ‬و‭ ‬داهات‭ ‬و‭ ‬كۆمپانیاكانیان‭ ‬نەكەن‭ ‬بۆ‭ ‬دانی‭ ‬قەرزەكان،‭ ‬بە‭ ‬تایبەتی‭ ‬باجی‭ ‬خانووبەرە،‭ ‬ئەوا‭ ‬دووچاری‭ ‬زیان‭ ‬دەبنەوە،‭ ‬چونكە‭ ‬ئەوەی‭ ‬ئێستا‭ ‬هەیە‭ ‬بەر‭ ‬لێخۆشبوون‭ ‬خراوە، ‬ئەوەی‭ ‬لەو‭ ‬ماوەیە‭ ‬باجەكەی‭ ‬نەدا‭ ‬ئەوا‭ ‬بڕێكی‭ ‬زیاتر‭ ‬دەبێت‭ ‬پارەی‭ ‬باج‭ ‬بداتە‭ ‬حكوومەت،‭ ‬ بۆ‭ ‬نموونە: ‬ ئەگەر‭ ‬كەسێك‭ ‬خانوویەكی‭ ‬هەبێت‭ ‬و‭ ‬بە‭ ‬500‭ ‬هەزار‭ ‬دینار‭ ‬بەكرێی‭ ‬دابێت،‭ ‬لە‭ ‬چەند‭ ‬ساڵی‭ ‬پێشوو‭ ‬باجی‭ ‬نەدابێت‭ ‬كە‭ ‬9‭%‬ی‭ ‬كرێی‭ ‬ساڵانەیە‭ ‬و‭ ‬دەكاتە‭ ‬540‭ ‬هەزار‭ ‬دینار،‭ ‬هەموو‭ ‬ساڵێك‭ ‬10‭% ‬سوودی‭ ‬دواخستنی‭ ‬كۆی‭ ‬قەرزەكە‭ ‬دەكەوێتە‭ ‬ئەستۆیان‭. ‬

 

 

 

ش.م