دكتۆر عەلی قەرەداغی هاوخەمی خۆی بۆ كەس و كاری قوربانیانی بومەلەرزەكە رادەگەیەنێت

سێ شەممە, 14 تشرینی دووەم 2017 12:55


لە پەیامێكیدا دكتۆر عەلی قەرەداغی سەرۆكی رابیتەی ئیسلامی كورد هاوخەمی خۆی بۆ كەس و كاری قوربانیانی بومەلەرزەكەی ناوچە جیاوازەكانی كوردستان دەربڕی.


دكتۆر عەلی قەرەداغی لە پەیامەكەیدا وێڕای سەرەخۆشی لەكەس و كاری قوربانیانی ڕوداوی بومەلەرزەكە داواشی لەخوای گەورە كرد كە مردوەكان لەریزی شەهیداندا دابنێت و شیفای بەپەلەش بنێرێت بۆ بریندارەكان و داوای ئارامی و دانبەخۆداگرتنشی كرد بۆ كەس و كارەكانیان.


قەرەداغی لە پەیامەكەیدا ڕاشیگەیاندوە: هەرچیان پێ بكرێت بۆ هاوكاری كردنیان لەرێگەی خۆیان و رێكخراوە خێرخوازیەكانی رابیتەی ئیسلامی كوردەوە بۆیان ئەنجام دەدەن، و داواشی لە حكومەتی هەرێم و سەرجەم خێرخوازان و ڕێكخراوە مرۆڤدۆست و خێرخوازیەكانیش كردوە كە زیاتر بچن بەدەم لێقەوماوان و زیلنلێكەوتوانی ڕوداوەكەوە.


أ.س