دەزگای زانایان و زانستە شەرعیەكانی یەكگرتوو هاوخەمی خۆی بۆ قوربانیانی بومەلەرزەكە ڕاگەیاند

سێ شەممە, 14 تشرینی دووەم 2017 12:58


كوردیو ـسلێمانی- نیاز فاروق


بەبۆنەی ئەو ڕوداوی بومەلەرزەیەوە كە لە ناوچە جیاوازەكانی هەرێمی كوردستان ڕویدا دەزگای زانایان و زانستە شەرعیەكانی یەكگرتووی ئیسلامی كوردستان بەیاننامەیەكی بڵاوكردەوە.

لە بەشێكی بەیاننامەكەی دەزگای زانایانی یەكگرتوودا هاتوە : لەگەڵ ڕازی بونمان بە قەدەری خوا ، پرسە و سەرەخۆشی ئاڕاستەی خانەوادە و كەس و كاری شەهیدانی ئەو كارەساتە دەكەین و دوعای چاك بونەوە ی خێرا بۆ بریندارەكان لە خوای میهرەبان دەخوازین.

لە بەیاننامەكەیاندا دەزگای زانایانی یەكگرتوو داوا لە موسوڵمانان و هاونیشتیمانیانی دڵسۆز دەكەن بە پێی توانا هاوكاری خەڵكی لێقەوماوبكەن بۆ دەربازبونیان لەو دۆخە ناهەموارەی تێی كەوتون .


أ.س