به‌وێنه‌...بزانه‌لەشارێكی هه‌رێم چ گۆشتێک فرۆشراوەتە هاوڵاتیان

پێنج شەممە, 07 کانونی یەکەم 2017 10:24

سەرۆكی لیژنە هاوبەشەكانی قائیمقامیەتی سلێمانی له‌باره‌ی ئەو ئاژەڵانه‌ی كه‌ لەسەر شەقام و شاڕێكاندا دەفرۆشرێت رایده‌گه‌یه‌نێت كه‌ دوور لە رێنماییەكانی ڤێرتەرنەری سەردەبرێن و گۆشتەكەی جێی مەترسییە بۆسەر تەندروستی بەكارهێنەرانی.

گۆران قادر سەرۆكی لیژنە هاوبەشەكان رایگه‌یاندوه‌: لەلایەن لیژنەی سێ-ی سەربە لیژنە هاوبەشەكانەوە دەست بەسەر هەشت ئاژەڵی سەربراودا گیراوە، كە خاوەنەكەی بەنیازبووە لەسەر شەقام و شارێكان، بەهاوڵاتیانی بفرۆشێت.

ناوبراو ووتیشی: پێشتر ئەو گۆشتفرۆشانە ئاگادار كراونەتەوە، تەنها لە كوشتارگەی سلێمانی ئاژەڵ سەردەبرێت و رێگە نادرێت گۆشتفرۆشەكان لەماڵەكانیان ئەوكارە بكەن، هەروەها فرۆشتنی گۆشت لەسەر شەقامەكان و ئەو شوێنانەی مەرجەكانی تەندروستی جێبەجێ ناكەن، رێگە پێدراو نیە.

سەرۆكی لیژنە هاوبەشەكان ئاماژه‌ی به‌وه‌ش كردوه‌: ئەو ئاژەڵانەی لەسەر شەقام و شارێكاندا دەفرۆشرێت لەلایەن بەرێوەبەرایەتی ڤێرتەرنەری پشكنینان بۆ ئەنجام نەدراوە دوور لە رێنماییەكانیان سەردەبرێن، هەروەها گۆشتەكەی مەترسی بۆسەر تەندروستی بەكارهێنەرانی دروست دەكات.

ئاشكراشیكردوه‌: بەفەرمانی قائیمقامی سلێمانی، ئاژەڵە سەربراوەكان ڕادەستی بەڕێوەبەرایەتی ڤێرتەرنەری سلێمانی، و ئەو ئامێر و ئەوكەلوپەلانەی بۆكاری گۆشتفرۆشتن بەكاردەهێنرێت بە لیژنە هاوبەشەكان، دەكرێت، بەمەبەستی لەناوبردن، هەروەها خاوەنی ئاژەڵەكانیش رووبەرووی یاسا دەكرێتەوە.

 

 

هونه‌ر بانه‌گوڵانی