ئەبوبەكر هەڵەدنی: حوكمڕنیەتی هەرێم بەو شێوەیە ناكرێت

پێنج شەممە, 07 کانونی یەکەم 2017 10:28

پەرلەمانتارێكی یەكگرتوو ڕایدەگەیەنێت ئەوەی ئەمڕۆ دەگوزەرێت لە نەبوونی حوكمڕانیەكی تەندروست لە هەرێمدابەرهەمی ئەو سەركێشی و گوێ پێ نەدانەیە كە دەسەڵاتداران لە بەرامبەر دەنگە نەیارەكانیان پەیڕەویان كرد.


ئەبو بەكر هەڵەدنی ، پەرلەمانتاری فراكسیۆنی یەكگرتوو لە پەرلەمانی كوردستان لە بابەتێكی ڕەخنە ئامێزدا لە لاپەڕەی تایبەتی خۆی لە تۆڕی كۆمەڵایەتی فەیسبوك نوسیویەتی"لەبارودۆخێكدا كە نەوت و سوتەمەنی نەبێت و خزمەتی هاوڵاتیانی ئاوارەی خورماتوت پێ نەكرێت ئەی كوێی حكومەت بە پێوەماوە"


ئەو پەرلەمانتارەی یەكگرتوو ڕەخنەی ئەوەش لە دەسەڵاتدارنی هەرێم دەگرێت بەوەی گوێ‌ بۆ ڕەخنە و ڕێماییەكانیان بۆ چاكسازی و بنەبڕكردنی گەندەڵی نەگیراوە دەشڵێت" ئەو هەموو هاوارەی كرا كە حوكمڕانیەتی بەو شێوەیە ناكرێت ."


لە كۆتایی بابەتە تەنز ئامێزەكەیدا پەرلەمانتارەكەی یەكگرتوو لە بارەی ئەنجامی سەركێشی و بێباكی دەسەڵاتدارەكانی هەرێمەوە نوسیویەتی " ئەوەی ئەمڕۆ بەرهەمەكەیەتی" .

أ.س