كەجەكە زانیاری لەسەر دوو به‌رپرسه‌كه‌ی میتی توركیا بڵاودەكاتەوە

چوار شەممە, 03 کانونی دووەم 2018 13:59

 

هاوسەرۆكایەتی كۆنسەی بەڕێوەبەریی كۆما جڤاكێن كوردستان- كەجەكە له‌سه‌ر ده‌ستگیركردنی دوو بەڕێوەبەری پلەبەرزی ده‌زگای هه‌واڵگری توركی (میت)ی  زانیاریی و بەڵگەی گرنگ ئشكرا ده‌كات .

میدیاكانی نزیك لە پەكەكە بڵاویانكردۆته‌وه‌ كه‌ هاوسەرۆكایەتیی كۆنسەی بەڕێوەبەری كەجەكە ئه‌مرۆ ئاشكرای كردووه‌: لە ئەنجامی ئۆپەراسیۆنی تۆڵەكردنەوەی شۆڕشگێڕی ساكینا جانسز بەڵگە و زانیاریی گرنگی لە بارەی بەڕێوەبەرانی بەدیلگیراوی میت ئاشكرا ده‌كه‌ین .

كه‌جەكە ئه‌وه‌شی بڵاوكردۆته‌وه‌: ئەو دوو بەڕێوەبەرە پلەبەرزەی میت لەلایەن شەخسی هاكان فیدان، پلەبەرزترین بەرپرسی میتی توركیا ئەركداركراون به‌فه‌رمانی سه‌رۆك كۆماری توركیا .

ئاماژه‌به‌وه‌ش كراوه‌: لە ئەنجامی ئۆپەراسیۆنی گەریلاكانی هەپەگە بۆ بەدیلگرتنی بەڕێوەبەرانی میت زانیاری و بەڵگەی زۆر گرنگ كەوتە دەستی پەكەكەوە و زیان و گورزی قورسی بە جەستەی میت گەیاند .

م-ع-كانی