لەبارەی بڕینی دەرماڵەیەك لە مامۆستایان رونكردنەوە دەدرێت

چوار شەممە, 03 کانونی دووەم 2018 19:00

 

دەنگۆیەك لە بارەی بڕینی دەرماڵەیەك بەبڕی 150 هەزار دینار لە موچەی مامۆستایان و فەرمانبەرانی تەندروستی بۆ هێزەكانی پێشمەرگە بڵاوكراوەتەوە و یەكێتی مامۆستایانیش دڵنیایی دەدات لەوبارەیەوە و رایدەگەیەنێت، هەڵوێستیان دەبێت.
عەبدولواحید محەمەد سەرۆكی یەكێتیی مامۆستایانی كوردستان بە رادیۆی نەوای راگەیاند، دەنگۆی بڕینی دەرماڵەی مامۆستایان دوورە لەڕاستییەوەو هیچ زانیاریەكی لەوشێوەیە بەڕەسمی گفتوگۆی لەبارەوە نەكراوە.
وتیشی "لە كاتی ناردنی موچەی مامۆستایان لەلایەن حكومەتی عیراقەوە بەوردی چاودێری دابەشكردنی موچەكە دەكرێت و رێگەنادرێت هیچ بڕە پارەیەك لە موچە كەمبكرێتەوە".
سەرۆكی یەكێتی مامۆستایانی كوردستان دڵنیایی دا، ئەگەر هەوڵێكی جدی هەبێت بۆ بڕینی دەرماڵەی مامۆستایان وەك یەكێتی مامۆستایان هەڵوێستیان دەبێت و رێگری لەوكارە دەكەن.
Share :