لاهور شێخ جه‌نگی توانج له‌مه‌سرور بارزانی ده‌دات

چوار شەممە, 10 کانونی دووەم 2018 23:28

 

به‌رانبه‌ر به‌و قسانه‌ی كه‌ مه‌سرور بارزانی له‌سه‌ر روداوه‌كانی 16ی ئۆكتۆبه‌ر كردی و به‌گه‌وره‌ترین خیانه‌تی مێژووی كوردایه‌تی دانا ، لاهوری شێخ جه‌نگی وه‌ڵامی ده‌داته‌وه‌و ده‌ڵێت: "وەرە تو بەناو راوێژكاری ئەنجومەنی ئاسایش بیت و ئەو هەموو دامو دەزگا هەوالگریەت لە ژێر دەست دا بێت كەچی هەموو كارەكانت بە تەسەورات بە ڕێوەببەیت".

لاهور شێخ جه‌نگی له‌ نوسینێكیدا له‌تۆڕی كۆمه‌ڵایه‌تی فه‌یسبوك وه‌ڵامی مه‌سرور بارزانی ده‌داته‌وه‌و نوسیوه‌تی: وەرە تو بەناو راوێژكاری ئەنجومەنی ئاسایش بیت و ئەو هەموو دامو دەزگا هەوالگریەت لە ژێر دەست دا بێت كەچی هەموو كارەكانت بە تەسەورات بە ڕێوەببەیت .

لاهور شێخ جه‌نگی به‌توانجه‌وه‌ به‌ مەسرور بارزانی ده‌ڵێت: "من نازانم جەنابتان بە راستیی راوێژكارن یان تەسەور دەكەن كە راوێژكار بن".

لاهور شێخ جه‌نگی له‌سه‌ر قسه‌كانی مه‌سرور بارزانی نوسیویه‌تی:

_ دەڵێت ئێمە زانیاریمان هەبوو كە خیانەت دەكرێت بەڵام تەسەورمان نەدەكرد خیانەت بكرێت .


_ دەڵێت ئێمە زانیاریمان هەبوو حەشدی شەعبی چەكی ئەمریكی پێ بوو بەس تەسەورمان نە دەكرد بە كاری بهێنن.

_ دەڵَێت ئەمریكا پێی گوتین ریفراندۆم مەكەن لەبەر ٣ هۆكار بەڵام ئێمە تەسەورمان نەدەكرد ئەو ٣هوكارە مەترسی بن بۆ سەر ناوچەكە.

من نازانم جەنابتان بە راستیی راوێژكارن یان تەسەور دەكەن كە راوێژكار بن.

م-ع-كانی