قەرەبووی بەشەخۆراكی فەوتاوی هاووڵاتیان دەكرێتەوە

هەینی, 23 شوبات 2018 17:41

 

 

بەڕێوەبەری كۆمپانیای دابەشكردنی خۆراك رایدەگەیەنێت، بەشە برنجی مانگی یەك-ی ئەمساڵ دابەشدەكەن و چاوەڕێن بەشە زەیت و شەكری مانگی یەكیشیان بەدەست بگات و دەشڵێت: "ئەو چەند مانگەی ساڵی رابردوو، كە فەوتاوە بەر قەرەبوو دەكەوێت".

شەوكەت محەمەد، بەڕێوەبەری كۆمپانیای دابەشكردنی خۆراك لەسلێمانی رایگەیاندووە کە رۆژانە بەردەوامن لە دابەشكردنی بەشە خۆراكی هاووڵاتیان و ئەوەی لە بەردەستدا بێت بەسەر بریكارەكانی خۆراکدا دابەشی دەكەن و ئەو چەند مانگەی ساڵی رابردووش کە خۆراكەکەی دابەش نەكراوە بەر قەرەبوو دەكەوێت.

 

لەوبارەیەشەوە رایگەیاندوە: "ئێستا سەرقاڵی دابەشكردنی بەشە برنجی مانگی یەكی 2018 –ین و بەشە زەیت و شەكری مانگی یەكی ئەمساڵیشمان لەبەغداوە بۆ دیاریكراوەو چاوەڕێی گەیشتنی ئەو دوو مادەیەش دەكەین".

 

لە بارەی قەرەبووکردنەوەکەشەوە دەڵێت: تائێستا هیچ شتێكمان لەسەر قەرەبووی خۆراكی مانگەكانی ساڵی رابردوو بەدەست نەگەیشتووە، بەڵام چەند مانگێك هاووڵاتیان بەشە خۆراكیان وەرنەگرتووە ئەوانەش بەر قەرەبوو دەكەون".

 

راستگۆ محەمەد