هێرۆ ئیبراهیم بۆ كۆسرەت ڕەسول: هیوادارم نەبیتە هەڵوەرێنەری چەپكە گوڵەكەی مام

شەممە, 24 شوبات 2018 07:08

 

هێرۆ ئیبراهیم ئەحمەد پەیامێك دەربارەی دیاریكردنی ڕۆژی بەستنی كۆنگرەی یەكێتی ئاڕاستەی جێگری یەكەمی سكرتێری گشتی یەكێتی نیشتیمانی كوردستان دەكات و داوای لێدەكات بەزوترین كات ڕۆژێك بۆ دیاریكردنی ئەنجامدانی كۆبوونەوەی ئەنجومەنی سەركردایەتی یەكێتی دیاری بكات.

 

هێرۆ ئیبراهیم ئەحمەد پەیامێك دەربارەی دیاریكردنی ڕۆژی بەستنی كۆنگرەی یەكێتی ئاڕاستەی كۆسرەت ڕەسول عەلی جێگری یەكەمی سكرتێری گشتی یەكێتی نیشتیمانی كوردستان دەكات، كەتێیدا هاتووە:" ئەنجام نەدانی كۆبوونەوەی ئەنجومەنی سەركردایەتی بۆ بڕیاردان لە چەسپاندنی رۆژی كۆنگرە بووەتە مایەی نیگەرانی خۆم و هەموو جەماوەری یەكێتی".

 

هەروەها ئاماژەی بەوەش كردووە:" من بۆ دواجار وەك خوشكێك داوات لێ دەكەم كە بەزووترین كات ئەو كۆبوونەوەیە سازبكرێت بۆئەوەی كە جەماوەری یەكێتی لەم دڵەڕاوكێ و چاوەڕوانییە نەجاتی بێت كە ئەوەش بەتەنیا داواكاری من نییە، بەڵكو هی هەموو ئۆرگان و مەكتەب و كادیر و ئەندام و لایەنگرانی یەكێتییە".

 

لەپەیامەكەی هێرۆ ئیبراهیم ئەحمەددا ئەوەش خراوەتەڕوو:" هیوادارم كە بەرپرسیارێتی سەرشانی خۆت بە ئەمانەتەوە جێبەجێ بكەیت بۆئەوەی كە ناوت وەك هەڵوەرێنەری چەپكە گوڵەكەی مام و یەكێتی نەچێتە لاپەڕەكای مێژووەوە".

 


هێرۆ ئیبراهیم ئەحمەد داواش دەكات تاوەكو یەك شەممە (25/2/2018) كۆبوونەوەی سەركردایەتی ئەنجام بدرێت و رۆژی بەستنی كۆنگرە بە فەرمی رابگەیەندرێت، ئەگەر نا رووبەڕووی بەرپرسیارێتی مێژوویی دەبنەوە.

 

 

 

 

س ب