ڕۆژنامەیەكی عەرەبی: ڕكابەریەكی سەخت لە نێوان مەسرور بارزانی و نێچیرڤان بارزانی هەیە

یەک شەممە, 04 ئازار 2018 09:09

 


ڕۆژنامەی ئەخباری بەحرەینی لە ڕاپۆرتێكدا باس لە ڕكابەری باڵەكانی نێو پارتی دیموكرات دەكات و ئاشكرای دەكات ڕكابەریەكی سەخیت لە نێوان نێچیرڤان بارزانی و مەسرور بارزانیدا هەیە كە هەڕەشە لە دەسەڵاتی بنەماڵەكەیان دەكات.


ڕۆژنامەكە نوسیویەتی" مەسرور بازرانی تاوەكو ئێستاش دەسەڵاتی تەواوی هەیە بەسەر پارە و سامانی پارتی لە نێو كوردستان و بانكەكانی ئەوروپا و توركیا، سەرەڕای دەسەڵاتی بەسەر دامەزراوە ئەمنیەكان و چەند دامەزاروەیەكی ڕاگەیاندن".


هەورەك ئاماژەی بەوە كردووە" لە بەرامبەردا نێچیرڤان بارزانی سەرەڕای ئەوەی چەند دەزگایەكی ڕاگەیاندن و ڕۆشنبیری هەیە و هەردوكیان كێبڕكێ دەكەن بۆ بڵاوكردنەوەی چالاكیەكانیان لە دەزگاكانی ڕاگەیاندن".


هەروەك مەسرور بارزانی خاوەنی زانكۆی ئەمریكیە لە دهۆك و نێچیرڤان بارزانیش خاوەنی زانكۆی كوردستانە لە هەولێر كە دوو دامەزراوەی گرنگی خوێندنی باڵان.


لەكاتێكدا زۆرینەی هێزە ئەمنیەكان وهێزەكانی 80 و دژە تیرۆر سەر بە مەسرور بارزانین، بەڵام نێچیرڤان بارزانی لە ڕێگەی ڕەوان بارزانی برایەوە دەسەڵاتی هەیە بەسەر هێزی پێشمەرگەدا.