سلێمانی ... لە مانگی ڕابردوودا پۆلیس 272حاڵەتی بەهانەوەچوونی هاوڵاتیان تۆماردەكات

دوو شەممە, 05 ئازار 2018 10:55

پۆلیسی فریاكەوتنی سلێمانی ئاماری كارووچالاكییەكانی مانگی ڕابردوو بڵاو دەكاتەوەو رایدەگەیەنێت 272حاڵەتی بەهانەوەچوونی هاوڵاتیانیان تۆماركردوە.


لەراگەیەنراوێكی پۆلیسی سلێمانی هاتووە"مانگی ڕابردوو لە 1/2/2018تا ڕۆژی 28/2/2018 لەبەشی پۆلیسی فریاكەوتنی سلێمانی 272حاڵەتی بەهانەوەچوونی هاوڵاتیان تۆماكراوە، هەر لەو ماوەیەدا 8 حاڵەتی دەست بەسەردا گرتنی چەكی بێ مۆڵەت تۆمار كراوە."


لەڕاگەیەنراوەكەدا ئەوەش هاتووە"كۆی گشتی چالاكی هێزەكانی بەشی پۆلیسی فریاكەوتن لەماوەی مانگی ڕابردوودا (604)ڕووداو تۆمار كراوە كەخۆی لەگەیاندنی نەخۆش بەنەخۆشخانەكان وچەندین حاڵەتی بەهاناوەچوون و هاوكاری هاوڵاتیان و دەستگیركردنی سواڵكەر دەبینێتەوە."

بەشی پۆلیسی فریاكەوتنی سلێمانی سەربەبەڕێوەبەرایەتی پۆلیسی پارێزگای سلێمانیە و بەشێوەیەكی بەردەوام و بیست و چواركاتژمێر لەسەرجەم شەقام و شوێنە گشتییەكان مەفرەزەكانیان بوونیان هەیە و هاوڵاتیان دەتوانن لەكاتی بوونی هەر رووداوێكی گوماناویدا پەیوەندی بكەن بەژمارەی (104) بەشی پۆلیسی فریاكەوتنی سلێمانی.

أ.س