ل دهوکێ .. سێ هرچ دهێنە بەردان ومیدیاکارەک بریندار دبیت

دوو شەممە, 05 ئازار 2018 12:23

کوردیو دهوک ئیبراهیم دێرگژنیکی

دوهی ل سەرێ چیایێ گارەی رێکخراوا هاریکاریا کوردی ئەمریکی سێ هرچ ئازادکرن و ژ ئەگەرێ ئازراندنا هرچەکێ میدیاکارەک تووشی هنگافتنێ دبیت.

 

دوهی ل چیایێ گارەی ل قەزا ئامێدیێ، ب ئامادەبوونا محەمەد تاهر بریفکانی رێڤەبەرێ فەرمانگەها ژینگەها دهوکێ، رێکخراوا هاریکاریا کوردی ئەمریکی، سێ هرچ ژ جورێ سوری یێن مەزن ئازادکرن  وەک پاراستنەک بۆ وان و  پێشڤەبرنا ژینگەهێ.

ل دەمێ ئازادکرنا هرچان دا، میدیاکارەک تووشی هنگافتنێ دبیت ودهێتە هنارتن بۆ نەخوشخانا تەنگاڤیان ل دهوکێ، ل دور ڤێ رویدانێ میدیاکار سوهەیب سەعدللا وێنەگرێ دهوک تیڤی بۆ کوردیو دبێژیت "ل دەمێ ئازادکرنا هرچان دا مە رومالا وێ بویەرێ دکر، هرچا مەزن ژ لایێ جەماوەری ڤە هاتە ئازراندن و هێرش کرە مە و من ڤیا خۆ خلاس کەم من نەزانی گرە، ئەز دگری دا چوم ونێزیکی پێنجی قولپینکا چووم و دەستێ من وسەرێ من و پێ من بریندار بویە و هێشتا ئەزێ ل نەخوشخانا تەنگاڤیا ل دهوکێ و ل بەرە سوباهی نشتەگەری بۆ من بهێتە کرن".

ا.د