هەموو زانیاریەكان لەبارەی موچەی هەرێم ئاشكرا دەكرێت

پێنج شەممە, 08 ئازار 2018 06:41

دابەشكردنی موچەی هەردوو وەزارەتی پەروەرد و وەزارەتی تەندروستی حكومەتی هەرێم لەلایەن عێراقەوە دەست پێدەكات و دە ڕۆژ دەخایەنێت.

(سەعد حەدیسی) وتەبێژی حكومەتی عێراق لە لێدوانێكیدا بۆ كوردیو رایگەیاند: لە ڕێگەی حكومەتی هەرێمەوە موچەی بەشێك لە فەرمانبەرانی هەرێم دابەش دەكەین و لەچەند ڕۆژی داهاتوو بە فەرمی دەست پێ دەكرێت.
وتەبێژی حكومەتی عێراق رایگەیاند: بەغدا جدیە لەناردنی مووچەو هەفتەی داهاتوو مووچەی هەردوو وەزارەتی پەروەردەو تەندروستی هەرێم رەوانە دەكرێت و تاوەكو یەكەم ڕۆژی نەورۆز موچەكان دابەش دەكرێن.
حەدیسی بۆ كوردیو وتیشی : وردبینیكردن بۆ وەزارەتەكانی پەروەردە و تەندروستی كۆتاییان هاتووە و چەند لێژنەیەكی تر كاری وردبینیكردن بۆ وەزارەتەكانی دیكە حكومەتی هەرێم دەكەن، بەم نزیكانەش كاری ئەو وەزارەتانەش كۆتایی دێت و مووچەكانیان رەوانە دەكرێت.