نوێترین زانیاری لەسەر دابەشكردنی موچەی مانگی 11 ئاشكرا دەكرێت

یەک شەممە, 11 ئازار 2018 06:13
بەڵێنێكی سەرۆكی حكومەتی هەرێم لەبارەی دابەشكردنی موچەی مانگی 11ی ساڵی 2017 ئاشكرادەكرێت و پەرلەمانتارێكی پارتیش ڕایدەگەیەنێت: ئەگەر بەغدا بەڵێنەكەی بباتەسەرو موچەی تەندروستی و پەروەردە بنیرێت، حكومەتی هەرێمیش بەر لە جەژنی نەورۆز، موچەی وەزارەتەكانی تر دابەشدەكات.
 
ئاواز حەمید ئەفەندی، ئەندامی فراكسیۆنی پارتی لەپەرلەمانی كوردستان، ڕاگەیاند: لەكۆبونەوەماندا لەگەڵ نێچیرڤان بارزانی سەرۆكی حكومەتی هەرێم، ناوبراو ئاشكرایكردووە كە حكومەت هەموو هەوڵێكی خستۆتەگەڕ تا بەر لەنەورۆز موچەی فەرمانبەران دابەشبكات.
 
 
وتیشی: ئەگەر بەغدا باری سەرشانی هەرێم سوك بكات و بەڵێنەكەی بۆ ناردنی موچەی هەردوو وەزارەتی تەندروستی وپەروەردە بباتەسەر، حكومەتی هەرێمیش موچەی وەزارەت و دامودەزگاكانی تر دابەشدەكات".
 
 
ئەو پەرلەمانتارەی پارتی ڕەخنەش لەبەغدا دەگرێت لەبەرامبەر جێبەجێنەكردنی بەڵێنەكانی لەبارەی موچەو ئاشكراشیدەكات، زۆر قسەیان كردوەو كرداری نەبووە، بەڵام چاوەڕواندەكرێت لەبەغداوە بەر لەنەورۆز موچەكە بنێردرێت، بۆیە بەدڵنیاییەوە ئەگەر ڕەوانەی بكات، هەرێمیش خۆی موچەی وەزارەتەكانی تر دابەشدەكات".
 
 
 
snn