مووچەكەی بەغدا بۆ مامۆستایان و فەرمانبەرانی وەزارەتی پەرەوەدە بەم جۆرە دابەش دەکرێت

شەممە, 17 ئازار 2018 06:46


شێوازو میكانیزمی دابەشكردنی مووچەی مامۆستایانی هەرێم لە پارەكەی بەغدا هاوشێوەی مامۆستایانی عیراق ئاشكرا دەكرێت، بەڕێوەبەرێكی سەربە پەروەدەی عیراقیش زانیاریی زیاتر لەبارەی دەرماڵەو شایستە داراییەكانی مامۆستایان و فەرمانبەرانەوە ئاشكرادەكات.

نەجم هاشم بەڕێوەبەری پەروەردەی خورماتوو راگەیاندووە، "ئەو شایستە داراییانەی بۆ مامۆستایان و فەرمانبەرانی وەزارەتی پەروەردەی عیراق خەرجدەكرێت، بریتین لە (بڕوانامە، خێزان، منداڵ، تایبەت، هاتوچۆ و پلە)".

 

بەوتەی ئەو بەڕێوەبەرە، بڕی شایستە داراییەكانی مامۆستایان و فەرمانبەرانی وەزارەتی پەروەردەی عیراق بەم جۆرەیە:

 

ـ بڕوانامەی بەكالۆریۆس 45 هەزار دینار.

 

ـ بڕوانامەی دبلۆم و ئامادەیی 35 هەزار دینار.

 

ـ شایستەی هاتوچۆی سەنتەری شار 20 هەزارو سەنتەری قەزا 30 هەزارو گوندەكانیش بەگوێرەی دووری و نزیكی لە 40 هەزارەوە دەستپێدەكات تا دەگاتە 60 هەزار دینار.

 

ـ خێزان بڕی 50 هەزارو هەر منداڵێكیش بڕی 10 هەزاری پێدەدرێت تا دەگاتە چوارەم منداڵ.

 

ـ 150 هەزار دینار وەك تایبەت بۆ هەموو فەرمانبەران و مامۆستایان.

 

هاوكات بەگوێرەی خشتەیەكیش کە تایبەتە بە مووچەو شایستە داراییەكانی مامۆستایان و فەرمانبەرانی پەروەردەی عیراق، لە هەرێمیش بەهەمان شێوە مامۆستایان و فەرمانبەران دەتوانن لێی سوودمەندبن.

 

 

snn