سێ ئەندامی مەکتەبی سیاسی یەکێتی دوورخرانه‌وه‌

شەممە, 17 ئازار 2018 10:31

 

ئه‌مرۆ شه‌ممه‌، بە ئامادەبوونی جێگری یه‌كه‌می سکرتێری گشتی یەکێتی، ئەنجومەنی سەرکردایەتی یەکێتی کۆبووە، لە کۆبوونەوەکەدا بەشێکی زۆری ئەندامانی مەکتەبی سیاسی هەڵبژێردراونەوه‌و سێ ئه‌ندامیش دوورخرانه‌وه‌.


ئەمرۆ 17ی ئازاری 2018، له‌ كۆنگره‌یه‌كی رۆژنامه‌وایدا، سەعدی ئەحمەد پیرە وتەبێژی یەکێتی رایگەیاند: لە کۆبوونەوەی ئەمڕۆی ئەنجومەنی سەرکردایەتی بەشێکی زۆری ئەندامانی مەکتەبی سیاسی هەڵبژێردراونەتەوە.


سەعدی ئەحمەد پیرە ناوی ئەندامانی مەکتەبی سیاسی یەکێتی ئاشكرا كرد، كه‌ بریتین لە هەر یەکە، (کۆسرەت رەسول، هێرۆ ئیبراهیم ئەحمەد، عومەر فەتاح، مەلا بەختیار، حاکم قادر، مەحمود سەنگاوی ، شۆڕش ئیسماعیل، رەفعەت عەبدوڵڵا، شیخ جەعفەر ، قادر عەزیز، ئاسۆ ئەڵمانی، رزگار عەڵی، سەعدی پیرە ، ئیعماد ئەحمەد و ئەرسەلان بایز).
بە پێی ئه‌و لیستەی كه‌ وتەبێژی یەکێتی خوێندیه‌وه‌، هەر یەکە لە دکتۆر بەرهەم ساڵح و ئازاد جوندیانی و نەجمەدین کەریم لە یەکێتی دوور خراونەتەوە.


شایه‌نی باسه‌، ئه‌مرۆ شه‌ممه‌، بە ئامادەبوونی کۆسرەت ڕەسوڵ عەلی جێگری یه‌كه‌می سکرتێری گشتی یەکێتی، ئەنجومەنی سەرکردایەتی یەکێتی کۆبووە، لە کۆبوونەوەکەدا بڕیاردرا تا بەستنی کۆنگرە، کۆسرەت ڕەسوڵ بڕیاردەری ژمارە یەک بێت لەناو یەکێتیدا.

 

ش.م